२८ असार, काठमाडौं । संस्कृति, पर्यटन तथा नागरिक उड्डयन मन्त्री खड्कराज पौडेलले मुक्तिनाथ क्षेत्रलाई प्लास्टिकमुक्त बनाउने निर्देशन दिएका छन्। मन्त्री पौडेलले धार्मिक पर्यटनको विकास र पूर्वाधार स्तरोन्नतिको सम्भाव्यता अध्ययन गर्ने उद्देश्यसहित मुक्तिनाथ क्षेत्रको भ्रमण गरेको मन्त्रालयले जनाएको छ। सो अवसरमा उनले स्थानीय बासिन्दा र तीर्थयात्रुसँग अन्तरक्रिया समेत गरे। उनले मन्दिर क्षेत्रको सरसफाई, जुत्ता–चप्पलको उचित व्यवस्थापन गर्ने र उक्त क्षेत्रलाई पूर्णरुपमा प्लास्टिकमुक्त बनाउने निर्देशन दिएका छन्।
