थाईल्यान्डका प्रधानमन्त्रीले जानकारी दिएका छन् कि ब्याङ्ककस्थित एउटा बारमा भएको आगलागीमा कम्तीमा २७ जनाको मृत्यु भएको छ। आइतवार मध्यरातपछि उक्त घटनाका बारेमा सूचना पाएपछि अग्निनियन्त्रकहरुलाई तत्काल बोलाइएको थियो। आगोको लपटाले घेरेको मुख्य ढोकाबाट मानिसहरू भागिरहेको देखिएको छ। सामाजिक सञ्जाल ‘एक्स’मा अपलोड गरिएको भिडियो फुटेजहरूमा बारमा आगोको लपेटामा परेका मानिसहरू कोही चिच्याइरहेका थिए भने कोही लड्दै भागिरहेको देखिन्छ। कम्तीमा दुई जनालाई आगोले जलेको स्थिति पनि देखिएको छ।
प्रधानमन्त्री आनुतीन चार्नविराकुलले घटनास्थलमा पत्रकारहरूसँग हुँदा २७ वटा शव फेला परेको र अन्य घाइतेलाई अस्पतालमा पुर्याइएको बताए। आगलागीको कारणबारे अनुसन्धान भइरहेको उनले बताएका छन्। अग्निनियन्त्रकहरूले आधा घण्टाभित्र आगो नियन्त्रणमा ल्याएका थिए तर त्यसअघि नै ठूलो क्षति भइसकेको थियो। स्थानीय सञ्चारमाध्यमका अनुसार ज्यान गुमाउनेहरूमा ९ पुरुष र १८ महिला छन्। ६० भन्दा बढीलाई उपचारका लागि अस्पताल भर्ना गरिएको छ। कतिपय व्यक्ति हराइरहेका पनि रहेको थाई प्रहरी कार्यालयले जनाएको छ।
प्रधानमन्त्रीले आगो लाग्दा त्यहाँ उपस्थित एक सङ्गीतकारसँग घटनाको बारेमा संवाद गरेका थिए। “उनका अनुसार कट-आउट स्विचबाट आगो लागेको थियो र त्यो अत्यन्त चाँडो फैलियो। विस्फोटसमेत भयो र सबैले धुवाँ र आगोबाट भाग्न थाले।” “कतिपय मानिसहरू बाहिर निस्कन सक्न नसक्दा भवनको पछाडिको शौचालयमा छिरे र त्यहाँ हामीले धेरैको शव फेला पारेका छौं।” रङ बिअर ना लाट फ्राओ नामक उक्त बार ब्याङ्ककको चाटुचाक क्षेत्रमा रहेको थियो। यो क्षेत्रका लोकप्रिय रेस्टुराँ र मनोरञ्जन स्थलहरूमध्ये एक हो।
आगो नियन्त्रणमा आएपछि लिइएका तस्बिरहरूमा बारको अगाडि धेरै शव राख्ने झोलाहरू देखिन्छन् र सो क्षेत्रमा सुरक्षा गस्ती गरिएको छ। बारभित्र फर्निचर, भित्ता र छत काला धुँवाले भरिएको छ। ब्याङ्ककका गभर्नरले घटनास्थलको निरीक्षण गरेपछि बताए कि अवस्थित सजावट सामग्री अत्यन्त दहनशील हुनुका कारण आगो छिट्टै फैलिएको हो। चकलेट क्यान्डी र अन्य सामग्री राख्न बनाइएका मेजहरूले आगो लाग्दा निकास मार्गमा बाधा पुर्याए भन्ने जानकारी पनि उनले दिएका छन् तर त्यस विषयमा फरेन्सिक छानबिन हुनुपर्ने बताएका छन्। राति ११ः३० बजे त्यही बाटो हुँदै गएका एक ड्राइभरले आगो लागेको देखेपछि अग्नि विभागलाई खबर गरेका थिए। उक्त ड्राइभरले झ्याल फुटाएर दुई जनालाई भाग्न मद्दत गरेको कुरा डेली न्यूजलाई बताए।
