समाचार संक्षेप
फिफा विश्वकप २०२६ पछि कमजोर प्रदर्शनका कारण १३ राष्ट्रिय टिमका प्रशिक्षकहरूले आफ्नो जिम्मेवारी छाडेका छन्। सेनेगल र ट्युनिसियाका प्रशिक्षकहरूलाई बर्खास्त गरिए भने मेक्सिकोका प्रशिक्षकले आपसी सहमतिमा टिम छोडेका छन्। घाना, जर्मनी, नेदरल्यान्ड्स, पोर्चुगल, इक्वेडर, दक्षिण कोरिया, स्कटल्यान्ड, चेक रिपब्लिक, उरुग्वे र क्रोएसियाका प्रशिक्षकहरूले राजीनामा दिएका छन्। २९ असार, काठमाडौं।
फिफा विश्वकप २०२६ बाट बाहिरिनासाथ १३ प्रशिक्षकहरूले टिम छोडेका छन्। विश्वकपमा अपेक्षित प्रदर्शन नभएको कारण यी प्रशिक्षकहरूले टिमबाट अलग्गिएका हुन्। सेनेगल र ट्युनिसियाका प्रशिक्षकहरूलाई फुटबल संघले बर्खास्त गर्दा मेक्सिकोका प्रशिक्षकले फुटबल संघसँगको सहमतिमा टिम छोड्ने निर्णय गरेका छन्। बेल्जियमसँग पराजित हुँदै सेनेगल ‘राउन्ड अफ ३२’ बाट बाहिरिएको थियो। त्यसपछि सेनेगलको फुटबल संघले प्रशिक्षक पापे थियावलाई बर्खास्त गर्ने निर्णय गर्यो।
समूह चरणमै बाहिरिएपछि ट्युनिसियाको फुटबल संघले प्रशिक्षक साब्री लामौचीलाई पदबाट हटायो। लामौचीको प्रशिक्षकत्वमा ट्युनिसिया विश्वकपमा एक पनि खेल जित्न सकेन। राउन्ड अफ ३२ मा इंग्ल्यान्डसँग पराजित भएसँगै सहआयोजक मेक्सिकोका प्रशिक्षक हाभिएर अगुइरेले फुटबल संघसँगको सहमतिमा टिम छोड्ने निर्णय गरे। त्यसबाहेक अन्य १० प्रशिक्षकहरूले विश्वकपपछि पदबाट राजीनामा दिएका छन्।
