प्रशिक्षक भट्टको विश्वास : नेपाल भलिबल लिगले नेपाली भलिबललाई नयाँ उचाइमा पुर्‍याउने

नेपाली राष्ट्रिय भलिबल टिमका मुख्य प्रशिक्षक जगदिश प्रसाद भट्टले नेपाल भलिबल लिगले नेपाली भलिबललाई नयाँ उचाइमा पुर्‍याउने विश्वास व्यक्त गर्नुभएको छ। उहाँले यस व्यावसायिक लिगले खेलाडीहरू विदेश पलायन हुने क्रमलाई रोक्न मद्दत गर्ने बताउनुभयो। कम लगानी र सीमित पूर्वाधारबीच भलिबलले हासिल गरेको सफलता र लोकप्रियताका लागि सबैको सहकार्य आवश्यक रहेको उहाँले उल्लेख गर्नुभयो।

३१ असार, काठमाडौं। पहिलोपटक आयोजना हुन लागेको नेपाल भलिबल लिग (एनभीएल) ले नेपाली भलिबललाई नयाँ उचाइमा पुर्‍याउने विश्वास व्यक्त गर्दै प्रशिक्षक भट्टले एनभीएलको फ्रेन्चाइज टिम अन्नपूर्ण सुपर किङ्सले बुधबार आयोजना गरेको ब्रान्ड एम्बासडर घोषणा कार्यक्रममा यस लिगमार्फत खेल र खेलाडीका लागि राम्रो वातावरण सिर्जना हुने बताए। उहाँले भन्नुभयो, ‘यो लिगले नेपालको राष्ट्रिय खेललाई माथि ल्याउनेछ। अहिले नै यसको रूपरेखा सिर्जनात्मक रूपमा देखिन थालेको छ।’

भट्टले एनभीएल भलिबल इतिहासकै उत्कृष्ट प्रतियोगिता हुने विश्वास व्यक्त गर्दै टिम मालिकहरूदेखि सबैले राम्रो समर्थन दिइरहेका छन् बताए। उहाँले भन्नुभयो, ‘टुगेदर वि एचिभ मोर’ भन्ने लक्षयका साथ सबै मिलेर अगाडि बढेमा सफलता प्राप्त गर्न सकिन्छ। कम लगानी र पूर्वाधारका चुनौतीहरूका बाबजुत भलिबलले सफलता हासिल गरिरहेको छ र महिला तथा पुरुष दुवैको फ्रेन्चाइज लिग आयोजना हुनुले भलिबलको लोकप्रियता र विकासमा थप योगदान पुग्ने उहाँको भनाइ थियो।