समाचार अनुसार, अर्जेन्टिनाले इंग्ल्यान्डलाई २-१ गोलले पराजित गर्दै फिफा विश्वकप २०२६ को फाइनलमा स्थान सुरक्षित गरेको छ। एन्जो फर्नान्डेज र लाउटारो मार्टिनेजका गोलले अर्जेन्टिनाले खेलमा पुनरागमन गर्दै उपाधिका लागि स्पेनसँग भिड्ने निश्चित गरेको हो। फाइनल खेल आगामी २० जुलाई सोमबार विहान हुनेछ भने तेस्रो स्थानको लागि फ्रान्स र इंग्ल्यान्डबीच आइतबार प्रतिस्पर्धा हुनेछ।
काठमाडौं। पूर्व विजेता अर्जेन्टिनाले फिफा विश्वकप २०२६ को उपाधिका लागि स्पेनसँग प्रतिस्पर्धा गर्न लागेको छ। अमेरिकाको एटलान्टामा भएको दोस्रो सेमिफाइनलमा इंग्ल्यान्डलाई २-१ ले पराजित गर्दै अर्जेन्टिनाले स्पेनसँगको फाइनल भिडन्त पक्का गरेको हो। एन्जो फर्नान्डेज र लाउटारो मार्टिनेजले गोल गरेपछि अर्जेन्टिनाले खेलमा पछि परेको अवस्थालाई उल्टाउँदै इंग्ल्यान्डलाई हराइसकेको छ। विश्वकपमा सातौं पटक सेमिफाइनलमा पुगेको अर्जेन्टिनाले सेमिफाइनलमा अपराजित यात्रा जारी राखेको छ। अब अर्जेन्टिना र स्पेनबीचको फाइनल खेल आगामी जुलाई २० सोमबार बिहान अमेरिका स्थित न्युयोर्क न्यु जर्सी स्टेडियममा हुनेछ।
त्यसैगरी, तेस्रो स्थानको लागि आइतबार बिहान फ्रान्स र इंग्ल्यान्डबीच खेल हुनेछ। पूर्व विजेता अर्जेन्टिनाले समूह चरणका खेलहरू सहज जित हात पारे पनि नकआउट चरणमा संघर्षरत देखिएको थियो। नकआउट चरणमा अन्तिम समयमा गोल गर्दै खेल जित्ने देखि कमब्याक जित हात पार्ने अर्जेन्टिनाले सेमिफाइनलमा पनि त्यहि प्रदर्शन गरेको छ। समूह चरणको पहिलो खेलमा अल्जेरियालाई ३-० ले पराजित गर्दा कप्तान लियोनल मेसीले ह्याट्रिक गरेका थिए।
अर्कोतर्फ, सन् २०१० को विजेता स्पेनले १६ वर्षपछि विश्वकपको फाइनलमा स्थान बनाउँदै अहिलेसम्म अपराजित रहेको छ। पहिलो खेलमा नवप्रवेशी केप भर्डेसँग गोलरहित बराबरी खेलेको स्पेनले दोस्रो खेलमा साउदी अरेबियालाई ४-० ले सहजै हराएको थियो। त्यसपछि समूहको अन्तिम खेलमा उरुग्वेलाई १-० ले हराउँदै स्पेन समूह विजेता बनेको थियो। स्पेनले राउण्ड अफ ३२ मा अस्ट्रियालाई ३-० ले पराजित गरेको थियो भने प्रि क्वाटरफाइनलमा छिमेकी पोर्चुगललाई १-० ले हराएको थियो। अब फाइनलमा उपाधि रक्षा गर्ने अभियानमा रहेको अर्जेन्टिना र १६ वर्षपछि फाइनल पुगेको स्पेनबीच प्रतिस्पर्धात्मक खेल हुने अपेक्षा गरिएको छ।
