नेपाली महिला यू-१९ क्रिकेट टोलीले एसीसी यू-१९ महिला प्रिमियर कपको सेमिफाइनलमा सुपर ओभरको नाटकीय खेलमा संयुक्त अरब इमिरेट्स (यूएई)सँग पराजय व्यहोरेको छ। निर्धारित २० ओभरमा दुवै टिमले १०० रन बनाएपछि खेल सुपर ओभरमा प्रवेश गरेको थियो जहाँ नेपालले ६ रन जोड्दा यूएईले मात्र ३ बलमै लक्ष्य पूरा गर्दै विजयी भएको हो।
सोमबार सम्पन्न खेलमा नेपाली टोलीले १०१ रनको लक्ष्य पछ्याएको थियो र २० ओभरमा १०० रनमा अलआउट भयो। अनुप कडायतले सर्वाधिक २० रन जोड्दै टोलीलाई योगदान दिईन् भने सना प्रवीण र अलिशा यादवले समान १७-१७ रन बनाए। यूएईका लागि वैष्णवी महेश ३ विकेटसहित प्रमुख गेंदबाज थिइन्, त्यस्तै साइ निखिलले २ विकेट लिए भने मेहक ठाकुर र जननी थिरुकुमारनले १-१ विकेट लिए।
यूएईले टस जितेर पहिले ब्याटिङ गर्दै १९.५ ओभरमा १०० रन बनायो। मेहुल कुलकर्णीले उत्कृष्ट ३० रन बनाए भने लावन्या केनीले २५ र नेहा कुमारीले अविजित १९ रन जोडेकी थिइन्। नेपालका लागि रिया शर्मा र अनुप कडायतले समान ३-३ विकेट लिने क्रममा महत्वपूर्ण भूमिका निर्वाह गरे भने तिर्सना विकले २ र मनिषा उपाध्यायले १ विकेट लिए।
यस विजयसँगै यूएईले फाइनलमा थाइल्याण्डसँग प्रतिस्पर्धा गर्नेछ भने नेपाल भोलि तेस्रो स्थानको लागि इन्डोनेसियासँग प्रतिस्पर्धा गर्नेछ। नेपालले यसअघि नै एसिया कपमा छनोट पाइसकेको छ। दुवै आगामी खेलहरु भोलि सम्पन्न हुनेछन्।
