६ साउन, काठमाडौं । अमेरिकी विदेशमन्त्री मार्को रुबियोले अमेरिका इरानसँगको संकट अन्त्य गर्न वार्ता र समझदारीका लागि तयार रहेको बताएका छन् । उनले भनेका छन् कि इरान यस विषयमा गम्भीर नदेखिएको छ । बीबीसी फारसीका अनुसार दक्षिण–पूर्वी एसियाली देशका विदेशमन्त्रीहरूको बैठकमा रुबियोले अमेरिका र इरानबीचको तनावका विषयमा आफ्नो धारणा व्यक्त गरेका थिए । ‘अमेरिका अझै पनि इरानसँगको संकट अन्त्य गर्न वार्ताका लागि तयार छ, तर इरान वार्तामा उत्प्रेरित छैन,’ रुबियोले बताए ।
यसैबीच, इरानका एक उच्च अधिकारीले सोमबार समाचार एजेन्सी रोयटर्सलाई जानकारी दिएका छन् कि इरानले मध्यस्थकर्ताहरूबाट १० दिनको युद्धविरामको प्रस्ताव पाएको छ । हालै इरानका गृहमन्त्री पाकिस्तान भ्रमणमा पुगेका थिए जहाँ उनले पाकिस्तानका प्रधानमन्त्री शाहबाज शरीफ र सेना प्रमुख जनरल असीम मुनिरसँग भेटघाट गरेका थिए ।
