फिफाले विश्वकप २०२६ को ‘टिम अफ द टुर्नामेन्ट’ सार्वजनिक गरेको छ, जसमा ६ राष्ट्रका खेलाडीहरू समावेश छन्। यस टिमको फर्मेसन ४–३–३ रहेको छ। च्याम्पियन स्पेन र फ्रान्सबाट समान तीन–तीन खेलाडी रहेका छन् भने उपविजेता अर्जेन्टिनाबाट दुई खेलाडी समावेश छन्। इंग्ल्यान्ड, नर्वे र केप भर्डेबाट एक–एक खेलाडी पनि टिममा रहेका छन्।
काठमाडौं, ७ साउन। च्याम्पियन स्पेनका कप्तान रोड्रीसहित डिफेन्डर पेड्रो पोरो र मार्क कुकुरेया यस टिममा समावेश भएका छन्। उपविजेता अर्जेन्टिनाका कप्तान लियोनल मेसी र डिफेन्डर लिसान्ड्रो मार्टिनेज छन् भने फ्रान्सबाट कप्तान किलियन एमबाप्पे, माइकल ओलिसे र डायो उपामेकानो चयन भएका छन्। इंग्ल्यान्डबाट जुड बेलिङघम मात्र टिममा छन्।
पहिलो पटक क्वार्टरफाइनल पुगेको नर्वेको स्ट्राइकर एर्लिङ हालान्ड पनि टिममा छन्। यसैगरी, पहिलो पटक विश्वकप खेलेका केप भर्डेका गोलकिपर भोजिन्हा पनि टिममा समावेश छन्। ४० वर्षीय भोजिन्हाले प्रतियोगिताको पहिलो खेलमा स्पेनलाई गोलरहित बराबरीमा रोक्दै उत्कृष्ट प्रदर्शन गरेका थिए र राउण्ड अफ ३२ मा अर्जेन्टिना विरुद्ध पनि राम्रो खेल देखाएका थिए।
सम्बन्धित खबर
