९ साउन, काठमाडौं । भारतमा आन्दोलनरत कक्रोच जनता पार्टी (सीजेपी)ले नरेन्द्र मोदी नेतृत्वको केन्द्रीय सरकारले आफ्ना मागहरू पूरा गर्ने सहमति जनाएको छ। सीजेपीले प्रदर्शनकारीहरूलाई घर फर्किन पनि आग्रह गरेको छ। तेस्रो चरणको वार्तापछि मोदी सरकारका मन्त्रीहरू जेपी नड्डा र जितेन्द्र सिंहसँग सीजेपीका प्रवक्ता सौरभ दास र आँशुतोष रांकाले संयुक्त पत्रकार सम्मेलनमा सीजेपीका सबै मागहरू पूरा गर्न सहमति भएको जानकारी दिएका छन्। ‘सरकारले हाम्रा सबै मागहरू पूरा गर्न तयार रहेको जनाएको छ। सरकारले हाम्रो दोस्रो माग पनि मानेको छ,’ सौरभ दासले पत्रकार सम्मेलनमा बताए। उनले दिल्ली मात्र नभई देशभरका प्रदर्शनकारीहरू विरुद्ध दायर सबै एफआईआर फिर्ता गर्ने सरकार तयार रहेको पनि जनाए। ‘साथै सरकारले वाचा गरेको छ कि भविष्यमा सीजेपीका कुनै पनि कार्यकर्तामाथि प्रदर्शनका कारण कारबाही गरिने छैन,’ उनले थपे। सीजेपीका अर्का प्रवक्ता आँशुतोष रांकाले आत्महत्या गरेका विद्यार्थी परिवारलाई एक करोड रुपैयाँ क्षतिपूर्ति दिने विषयमा सरकार सहमत भएको बताएका छन्। यसअघि आजै शिक्षामन्त्री धमेन्द्र प्रधानले पदबाट राजीनामा घोषणा गरेका थिए।
