एआईको प्रभावले पुराना रोजगारी छाडेर व्यावसायिक सीपयुक्त पेसा अपनाउने चिनियाँ महिलाहरू

एआईले प्रविधि उद्योगलाई तीव्र रूपमा परिवर्तन गर्दै आफ्नै जस्ता ‘प्रोग्रामर’हरूलाई अप्रासंगिक बनाइरहेको समयमा एलिस हुआङले फरक बाटो रोजिन। उनले कीबोर्ड छोडेर ‘पावर टूल’ अर्थात् घरायसी मर्मतका औजार समातिन् र मे महिनामा महिला कामदारमात्र भर्ना गरेर “छिआङछिआङ विमिन वर्कर्स” नामक घरायसी मर्मत सेवा सुरु गरिन्। दक्षिणी चीनको एउटा कार्यालयमा १५ वर्ष काम गरी व्यवस्थापन तहसम्म पुगेकी हुआङ अहिले धूलोले भरिएको काम गर्ने पोसाकमा औजार बोकेर एउटा अपार्टमेन्टबाट अर्कोमा पुग्छिन्। “मैले अवकाश नहुँदासम्म प्रविधि क्षेत्रमा काम गर्ने सोच बनाएको थिएँ। तर कर्मचारी कटौती हुँदा मलाई कसैले चिसो पानी खन्याएजस्तो भयो,” उनले भने।

हुआङले नयाँ काम सुरू गर्दा उनका पाका आफन्तहरू अचम्ममा परे। उनीहरू चाहन्थे कि उनलाई शारीरिक श्रम गर्न नपरोस् र सधैँ उनलाई राम्रो पढ्न प्रोत्साहित गर्दथे। तर उच्च शिक्षा प्राप्त गरी ४० को दशकमा पुगेकी हुआङले आफू तथा धेरै सहकर्मीहरू एआईको तीव्र विकासका कारण रोजगारीबाट बाहिरिएको देखिन्। ‘सिटीब्याङ्क’ले गरेको अप्रिलको अनुमानअनुसार चीनका करिब ९.६ प्रतिशत रोजगारीहरू एआईले प्रतिस्थापन गर्न सक्ने खतरा छ, जसअर्थ झन्डै ७० करोड मानिसको काम जोखिममा छ। विश्वव्यापी रूपमा प्रविधि क्षेत्रमा महिलाको संख्यामा पुरुषको तुलनामा कमि छ। ‘विमिन टेक नेटवर्क’का अनुसार “वरिष्ठ पदमा कम प्रतिनिधित्व” र “गैरप्राविधिक भूमिका बढी हुनु”का कारण महिलाहरूले काम गुमाउने सम्भावना १.६ गुणा बढी हुन्छ।

हुआङका अनुसार पहिले धेरै मान्छेले गर्ने काम एआईले केही सेकेन्डमा गर्न सक्छ, जसले केही विभागहरू रातारात खाली बनाइदियो। “प्रविधिको विकास दर अत्यन्त तीव्र छ र संस्थागत पुनर्संरचना बढ्दो छ। कहिलेकाहीँ जागिर छोड्नै नहुने अवस्था आउँछ।” एआईबाट सुरक्षित रहने रोजगारी खोज्ने क्रममा हुआङले अन्ततः आफ्ना परिवारले पुस्तौँदेखि गर्दै आएको निर्माण र मर्मतसम्भारसँग सम्बन्धित व्यावसायिक सीप अपनाउने निर्णय गरिन्। “त्यहाँ मलाई सफल हुने विश्वास छ किनभने सानैदेखि ती कामहरू हेर्दै हुर्किएकी थिएँ र प्रत्येक प्रक्रियामा अनुभूति छ।”