सुनसरीको देवानगञ्जमा प्रहरीले प्रहार गरेको गोली लागेर एक व्यक्तिको मृत्यु भएपछि विराटनगरमा विरोध प्रदर्शन भएको छ। प्रदर्शनकारीहरूले घटनामा संलग्नहरूलाई कारबाही गर्न माग गर्दै विराटनगरका बजार र पसलहरू बन्द गराएका छन्। आइतबार दुई समूहबीचको झडप नियन्त्रणमा लिन खोज्दा एक जनाको मृत्यु र नौ जना घाइते भएका थिए। ११ साउन, विराटनगर। सुनसरीको देवानगञ्ज गाउँपालिका–३, कप्तानगंजमा भएको घटनाको विरोधमा विराटनगरमा पनि प्रदर्शन गरिएको छ। आइतबार कप्तानगंजमा दुई समूहबीच विवाद नियन्त्रणमा लिन प्रहरीले चलाएको गोली लागेर एक जनाको मृत्यु भएको छ भने नौ जना घाइते भएका छन्। घटनाको विरोधमा सोमबार अपराह्न ५ बजे विराटनगरमा प्रदर्शन गरिएको हो। प्रदर्शनकारीहरूले घटनामा संलग्नलाई कारबाही गर्न माग गर्दै नाराबाजी गरिरहेका छन् र बजार पसलहरू बन्द गराइरहेका छन्।
