अमेरिकी सेनाले जोर्डन र होर्मुज जलमार्गमा रहेका आफ्ना सैन्य आधार र जहाजहरूमा गरिएको आक्रमणको कडा जवाफ स्वरूप इरानमाथि नयाँ सैन्य अभियान सुरु गरेको छ। अमेरिका र साउदी अरेबियाले संयुक्त रूपमा इराकमा रहेका इरान समर्थित समूहहरूलाई लक्षित गर्दै सैन्य कारबाही अगाडि बढाएका छन्। साउदी रक्षा मन्त्री खालिद बिन सलमानले भने, तनाव न्यूनीकरणमा जोड दिँदै पाँच महिनादेखि जारी द्वन्द्व तत्काल समाधान हुने कुनै संकेत नदेखिएको बताएका छन्।
अमेरिकी सेनाले इरानमाथि नयाँ आक्रमण सुरु गरेको दाबी गरेको छ। पश्चिम एसियामा रहेका अमेरिकी सैन्यहरूलाई इरानले अचानक आक्रमण गरेको थियो। त्यसैको जवाफस्वरूप यो आक्रमण गरिएको हो। अमेरिकी सेन्ट्रल कमान्ड (सेन्टकम) ले यस विषयमा सामाजिक सञ्जाल ‘एक्स’ मा पोस्ट गरेको छ। सेन्टकमले उल्लेख गरेको छ, ‘यो आक्रमण मंगलबार जोर्डनस्थित अमेरिकी सैनिक अड्डा र होर्मुज जलमार्गमा रहेका अमेरिकी जहाजहरूलाई लक्षित गरी इरानले गरेको गोलाबारीको कडा जवाफ हो।’
यो द्वन्द्वको दायरा एक दिनअघि मात्र विस्तार भएको थियो। त्यसपछि भोलिपल्ट यी नयाँ आक्रमणहरू भएका हुन्। अमेरिका र साउदी अरेबियाले सार्वजनिक रूपमा संयुक्त सैन्य आक्रमण गरे, जसले इराकमा रहेका इरान समर्थित समूहहरूलाई निशाना बनाएको थियो। फेब्रुअरी महिनामा अमेरिका र इजरायलले इरानमाथि सैन्य आक्रमण सुरु गरेका थिए। त्यतिबेला अमेरिकी राष्ट्रपति डोनाल्ड ट्रम्पले भनेका थिए, ‘यो युद्ध केही हप्ताभित्र सकिनेछ।’ तर अहिले पाँच महिनासम्म यो द्वन्द्व लगातार जारी छ र छिट्टै समाप्त हुने कुनै संकेत देखिएको छैन।
बुधबार एक्सियोसले एक अमेरिकी अधिकारीलाई उद्धृत गर्दै समाचार प्रकाशित गरेको छ। ब्रिटेनमा ट्रम्पले साउदी अरेबियाका रक्षा मन्त्री प्रिन्स खालिद बिन सलमानसँग भेट गरेको बताए। अधिकारीका अनुसार खालिद बिन सलमानले भनेका छन्, ‘साउदी अरेबिया तनाव कम गर्न प्रयासरत छ।’ यस विषयमा ह्वाइट हाउससँग प्रतिक्रिया मागिएको छ। केही समय शान्ति भए पनि यो द्वन्द्व पुनः चर्किएको छ।
