युक्रेनी आमाले छोरीको मुटु अर्को बालकको छातीमा धड्किरहेको सुन्दा आँसु रोक्न सकिनन्

युक्रेनमा एक बालकमा सफलतापूर्वक मुटुप्रत्यारोपण गरिएपछि, उनीसँग जोडिएको एउटा भावुक कथा सार्वजनिक भएको छ। एक आमाले आफ्नी छोरीको मुटु अर्को बालकको छातीभित्र धड्किरहेको सुन्दा आँसु रोक्न सकिनन्। उक्त बालकलाई मुटुदान गर्ने परिवार दिवङ्गत छोरीको परिवार थियो। उनीहरूबीचको भेट अत्यन्त भावुक क्षण बन्यो।

मुटु प्रत्यारोपण गरिएका १२ वर्षका बालक नजार विगत तीन वर्षदेखि गम्भीर रूपमा बिरामी थिए। उनी रगतको क्यान्सर, गम्भीर न्यूमोनिया र पछि मुटुको समस्या भोगिरहेका थिए। चिकित्सकहरूले जीवन बचाउन मुटुप्रत्यारोपण मात्रै उपाय रहेको निष्कर्ष निकालेका थिए। छोरी गुमाएको एउटा परिवारले अंगदान गर्ने निर्णय गरेपछि नजारलाई स्वस्थ मुटु उपलब्ध भयो र सफलतापूर्वक प्रत्यारोपण गरिएको छ।