१४ साउन, काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले मधेश र कोशी प्रदेशबाट प्रतिनिधित्व गर्ने रास्वपा सांसदहरूसँग बैठकको लागि बोलाएका छन् । हाल पौने ५ बजेदेखि सिंहदरबारस्थित संसदीय दलको कार्यालयमा सांसदहरूलाई बैठकका लागि आह्वान गरिएको छ । सुनसरी र मधेश क्षेत्रमा व्याप्त समस्या विषयमा छलफल गर्न यो बैठक बोलाइएको बताइएको छ । रास्वपा संसदीय दलले सबै सांसदलाई अनिवार्य उपस्थितिका लागि ‘विशेष निर्देशन’ सहित सर्कुलर जारी गरी बैठक बोलाएको जानकारी दिएको छ । उक्त सर्कुलरमार्फत सांसदहरूलाई विशेष निर्देशन, मार्गदर्शन र अपील गरिने जनाइएको छ ।
