एसियाडमा सहभागी हुने दुई पुरुष स्केटिङ खेलाडी गजेन्द्र बर्देवा र शरदकुमार राई शुक्रबार बैंकक प्रस्थान गर्ने नेपाल स्केटिङ एण्ड स्केट बोर्डिङ संघले जनाएको छ। जापानमा हुने २०औं एसियाली खेलकुदका लागि नेपाली स्केटिङ खेलाडीहरू गजेन्द्र बर्देवा र शरदकुमार राई शुक्रबार थाइल्यान्डको बैंकक प्रस्थान गर्नेछन्। खेलाडीहरूले असोज ३ गतेदेखि सुरु हुने एसियाडको तयारीका लागि बैंककस्थित हुआ मक स्केट पार्कमा करिब एक महिनासम्म प्रशिक्षण लिनेछन्।
राष्ट्रिय खेलकुद परिषद्का सदस्य–सचिव रामचरित्र मेहताले खेलाडीहरूलाई बिदाइ गर्दे सहभागी खेलाडीहरूको एक वर्षको बीमा गरिने प्रतिबद्धता जनाए। १४ साउन, काठमाडौं। जापानमा हुने २०औं एसियाली खेलकुदमा सहभागी हुने स्केटिङ खेलाडीहरूले थाइल्यान्डको बैंककमा तयारी प्रशिक्षण गर्ने भएका छन्। एसियाडमा भाग लिने दुई पुरुष खेलाडी गजेन्द्र बर्देवा र शरदकुमार राई शुक्रबार बैंकक प्रस्थान गर्ने नेपाल स्केटिङ एण्ड स्केट बोर्डिङ संघले जानकारी दिएको छ।
असोज ३ गतेदेखि जापानको आइची नागोयामा सुरु हुने २०औं एसियाडमा दुवै खेलाडीले स्ट्रिट विधामा प्रतिस्पर्धा गर्नेछन्। उनीहरूले करिब एक महिना बैंककस्थित हुआ मक स्केट पार्कमा प्रशिक्षण लिँदैछन्, नेपाल स्केटिङ तथा स्केट बोर्डिङ संघका महासचिव सत्य थापाले जानकारी दिए। महासचिव थापाले एक महिनाको प्रशिक्षणपछि खेलाडीले त्यही प्रशिक्षणलाई निरन्तरता दिने वा नेपाल फर्कने भन्ने विषय अहिले टुंगो लागेको छैन भने बैंककमै प्रशिक्षणलाई निरन्तरता दिने विषयमा पनि छलफल भइरहेकाले जानकारी दिए।
टोलीलाई राष्ट्रिय खेलकुद परिषद्का सदस्य–सचिव रामचरित्र मेहताले बिदाइ गर्दै खेलाडीहरूलाई उच्च मनोबलका साथ एसियाडमा प्रतिस्पर्धा गर्ने सुझाएका छन्। उनले एसियाडमा सहभागी खेलाडीहरूको एक वर्षको बीमा गरिने र खेलाडीलाई अधिकतम सुविधा उपलब्ध गराउन प्रयासरत रहेको बताए।
