निर्वासित बंगलादेशी लेखिका तस्लीमा नसरीन करिब दुई दशकपछि शुक्रबार नयाँ दिल्लीबाट कोलकाता आइपुगेकी छिन्। उनले भनिन्, “म यहाँ पाहुना बनेर होइन, बंगालकै एक हिस्सा बनेर फर्किएको छु।” उनी आगामी साउन १७ गते आयोजना हुने एक सार्वजनिक कार्यक्रममा सहभागी हुन कोलकाता पुगेकी हुन्।
तस्लीमा नसरीन करिब दुई दशकअघि विवादित पुस्तक ‘द्विखण्डितो’ विरुद्ध भएको प्रदर्शनपछि कोलकाता छाड्न बाध्य भएकी थिइन्। समाचार एजेन्सी पीटीआईका अनुसार, नेताजी सुभाष चन्द्र बोस अन्तर्राष्ट्रिय विमानस्थलमा स्वागतका लागि पुगेका मानिसहरूलाई उनले हात जोडेर अभिवादन गरिन्। उनले थपिन्, “मलाई आफ्नै देश फर्किएको जस्तो अनुभूति भइरहेको छ। बंगाल मेरो मनमा कहिल्यै विभाजित भएको छैन।” यो सन् २००७ पछि कोलकातामा तस्लीमा नसरीनको पहिलो सार्वजनिक उपस्थिति हुनेछ।
