फिजीमा माछा मार्ने क्रममा न्यूजील्यान्डका एक गोताखोरमाथि शार्कले आक्रमण गरेको ‘नाटकीय’ घटना आफ्नै क्यामरामा कैद भएको छ। ग्रे रीफ शार्कले नजिकै घुम्दै गर्दा माथितिर पौडिरहेका हेनरी गिब्सको दायाँ खुट्टाको तल्लो भागमा टोकेको थियो। चार पटक शल्यक्रिया र छाला प्रत्यारोपणपछि पूर्ण रूपमा निको भएका यी गोताखोर अहिले आफूलाई “निकै भाग्यमानी” ठान्छन्।
साथै उनले शार्कको व्यवहारबारे कुनै गुनासो नराख्ने पनि बताएका छन्। इन्स्टाग्राममा उनले लेखेका छन्, “म उसको स्थानमा उसको आहार खोजिरहेको थिएँ। गलत ठाउँ, गलत समय।”
