साविक विजेता पोल्यान्डले अमेरिकालाई पाँच सेटको रोमाञ्चक खेलमा ३-२ को अवस्थामा पराजित गर्दै भलिबल नेसन्स लिग (भिएनएल) २०२६ को उपाधि जितेको छ। चीनको निङ्गबोमा आइतबार सम्पन्न फाइनलमा पोल्यान्डले २-१ ले पछि परेको अवस्थामा अन्तिम दुई सेट लगातार आफ्नो पक्षमा पार्दै विजेता बनेको हो। फाइनलमा पोल्यान्डले अमेरिकालाई २५-२१, २३-२५, २५-२७, २५-२३, १५-१० को सेट स्कोरले हराएको छ।
सन् २०१९ देखि सुरु भएको भिएनएलमा पोल्यान्ड तीन पटक उपाधि जित्ने पहिलो टोली बनेको छ। च्याम्पियन पोल्यान्डका टोमस फोर्नाल मोस्ट भ्यालुएबल प्लेयर (एमभीपी) घोषित भएका छन्। पोल्यान्डले सन् २०२३ मा घरेलु मैदानमा भएको पाँचौं संस्करणको भिएनएलमा अमेरिकालाई फाइनलमा हराएर प्रथम पटक उपाधि जितेको थियो भने गत वर्ष चीनमै भएको सातौं संस्करणमा इटालीलाई पराजित गर्दै दोस्रो पटक च्याम्पियन बनेको थियो।
सन् २०२१ मा पहिलो पटक फाइनल पुग्दा पोल्यान्ड उपविजेता बनेको थियो। अमेरिकाले अहिलेसम्म चार पटक फाइनल खेलेपनि उपाधि जित्न सकेको छैन। पोल्यान्ड बाहेक रुस र फ्रान्सले २-दोहोरो पटक भिएनएल उपाधि जितेको छ भने ब्राजिल एक पटक च्याम्पियन बनेको छ। यस्तै, तेस्रो स्थानको खेलमा स्लोभेनियाले जापानलाई ३-२ को सेट स्कोरमा पराजित गर्दै कास्य पदक प्राप्त गरेको छ। स्लोभेनियाले जापानलाई २५-२१, २६-२८, २५-२२, २५-२२ को सेट स्कोरले हराउँदै तेस्रो स्थान प्राप्त गरेको हो। प्रारम्भिक चरणमा लगातार १२ खेल जितेको जापान भने चीनलाई हराएर सेमिफाइनल पुगेको थियो। तर अमेरिकासँग पराजित भएपछि फाइनलमा प्रवेश गर्न सकिन र तेस्रो स्थानको खेलमा पनि सफल हुन सकेन।
