एस्तो अवस्थामा नेपाल फुटबल खेलाडी संघले राष्ट्रिय टोलीका खेलाडीहरूको सन्देशसहित सामूहिक भिडियो सार्वजनिक गर्दै नेपाली फुटबल बचाउनुपर्ने माग उठाएका छन्। नेपाली राष्ट्रिय महिला तथा पुरुष फुटबल खेलाडीहरूले अखिल नेपाल फुटबल संघको निलम्बनले सिर्जना गरेको संकट समाधान गर्दै फुटबल बचाउन सामूहिक अपिल गरेका छन्। फिफाद्वारा एन्फा निलम्बनमा पर्दा खेलाडी, प्रशिक्षक र रेफ्रीहरूको भविष्य अनिश्चित भएपछि तत्काल समाधानको लागि सरोकारवाला निकायहरूसँग उनीहरूले माग गरेका छन्।
खेलकुद मन्त्री सस्मित पोखरेलले निलम्बन फुकुवाका लागि फिफासँग निरन्तर सम्पर्कमा रहेको र समस्या समाधानका प्रयासहरू जारी रहेको जानकारी दिनुभएको छ। २० साउन, काठमाडौं – नेपाली राष्ट्रिय महिला र पुरुष फुटबल टोलीका खेलाडीहरूले नेपाली फुटबल जोगाऔं भन्दै सामूहिक अपील गरेका छन्। हाल अखिल नेपाल फुटबल संघ (एन्फा) फिफाको निलम्बनमा परेको र नेपाली फुटबल गतिविधि ठप्प रहेका कारण खेलाडी, प्रशिक्षक र रेफ्रीहरूको भविष्य अनिश्चित छ।
नेपाल फुटबल खेलाडी संघले राष्ट्रिय टोलीका खेलाडीहरूको सन्देशसहितको सामूहिक भिडियो सार्वजनिक गर्दै नेपाली फुटबल बचाउनुपर्ने आवाज उठाएका छन्। उनीहरूले फिफा, एएफसी, राष्ट्रिय खेलकुद परिषद (राखेप) र नेपाल सरकारसँग नेपाली फुटबल जोगाउन पहल गर्न आग्रह गरेका छन्। फुटबल खेलाडी संघले सार्वजनिक गरेको सामूहिक भिडियोमा राष्ट्रिय टोलीका अधिकांश खेलाडीहरूको सन्देश समावेश छ, जसमा रोहित चन्द, पुरुष खेलाडीहरू सहित महिला टोलीकी सावित्रा भण्डारी, एन्जिला तुम्बापो लगायतका सन्देश छन्।
तर राष्ट्रिय पुरुष फुटबल टोलीका कप्तान किरण चेम्जोङ भने त्यो भिडियोलाई अनभिज्ञ छन् र उनले छुट्टै भिडियो सन्देश आफ्नो फेसबुकमा सेयर गरेका छन्, जसमा रोहित चन्द र महिला टोलीकी सदस्य प्रीति राईको सन्देश पनि राखिएको छ। हाल कतारमा रिह्याब गराइरहेकी महिला टोलीकी कप्तान सावित्राले भिडियोको सुरुमै शीर्ष डिभिजनको लिग नहुँदा खेलाडीहरू प्रभावीत भएको उल्लेख गरेकी छिन् भने अन्त्यमा सनिश श्रेष्ठले आफूहरूलाई फुटबल खेल्ने अवसर चाहिएको र आफ्ना सपनालाई जगेर्ना गर्ने अवसर मागेका छन्। फुटबलसँग सम्बन्धित खेलाडीदेखि प्रशिक्षक र रेफ्रीहरूको करियर समाप्त हुन लागेको भन्दै उनीहरूले चिन्ता व्यक्त गरेका छन् र फिफादेखि नेपालसम्म सबै सरोकारवाला निकायलाई छिटो समाधानका लागि अनुरोध गरेका छन्।
एन्फामा तेस्रो पक्षको हस्तक्षेप भएकाले विश्व फुटबलको सर्वोच्च निकाय फिफाले २५ जनवरीमा एन्फालाई निलम्बन गरेको छ। अर्को सूचना नआएसम्म निलम्बन जारी रहने फिफाले जनाएको छ। एन्फा निलम्बन हुँदा नजिकिरहेको साफ च्याम्पियनसिपमा नेपालको सहभागिताबाट अनिश्चय देखिएको छ। साफ च्याम्पियनसिप बंगलादेशमा नोभेम्बर ४ देखि सुरु हुँदैछ र यसको ड्र भइसकेको छ। नेपाल ड्रमा समावेश छैन। तर सेप्टेम्बर १ भित्र फिफाले निलम्बन फुकुवाको निर्णय गरेमा नेपाल समूह ए मा रहँदै साफ च्याम्पियनसिप खेल्न पाउनेछ।
यस्तै, शिक्षा तथा खेलकुद मन्त्री सस्मित पोखरेलले मंगलबार सञ्चारकर्मीहरूसँग अन्तरक्रियामा निलम्बन फुकुवाका लागि फिफासँग निरन्तर संपर्कमा रहेको र निकास निकाल्ने प्रयास भइरहेको बताएका थिए। फुटबलर्स म्यान टुगेदरले पनि नेपाली फुटबल विवाद समाधानका लागि तदर्थ समिति गठन गर्नुपर्ने भन्दै फिफा अध्यक्षलाई पत्र लेखेको छ र आफूहरू मध्यस्थता गर्न तयार रहेको जनाएको छ।
