नेपाल स्क्वाश एण्ड र्याकेट संघले पहिलोपटक पीएसए नेपाल स्याटेलाइट स्क्वाश प्रतियोगिता आयोजना गर्दैछ। यस प्रतियोगितामा नेपालसहित ६ देशबाट १६ पुरुष खेलाडीले प्रतिस्पर्धा गर्नेछन्, जसमा नेपालका ६ खेलाडी सहभागी हुनेछन्। प्रतियोगिताको कुल पुरस्कार राशि १ हजार अमेरिकी डलर निर्धारण गरिएको छ। २ भदौ, काठमाडौं।
नेपाल स्क्वाश एण्ड र्याकेट संघको आयोजनामा पहिलो पटक पीएसए नेपाल स्याटेलाइट स्क्वाश प्रतियोगिता ललितपुरको सातदोबाटोमा चार दिनसम्म सञ्चालन हुने छ। संघका अध्यक्ष धुव्रबहादुर गुरुङले मंगलबार पत्रकार सम्मेलनमा सो प्रतियोगिताको जानकारी गराउनु भयो। यस प्रतियोगितामा नेपाल, भारत, बङ्गलादेश, श्रीलंका, मलेसिया र बेलायतका १६ पुरुष खेलाडीले भिडन्त गर्नेछन्। नेपालबाट अरहान्तकेशर सिम्ह, दीपक थापा, पासाङ ब्लोन, सरोज तामाङ, राकेश परियार र नयनबहादुर मगरले भाग लिनेछन्।
प्रतियोगिताको ड्र साइज ८, १६ र ३२ खेलाडी सम्म हुन सक्ने प्रावधान भए पनि पहिलो संस्करणमा १६ खेलाडीलाई मात्र सहभागिता दिने निर्णय संघका उपाध्यक्ष तथा प्रतियोगिताका निर्देशक रुपक दास ताम्राकारले जानकारी दिनुभयो। मोनार्ड ‘ड्र’ प्रणालीअनुसार कुल ३५ खेल सञ्चालन गरिनेछ। संघले यस प्रतियोगितालाई नेपालमा स्क्वाश खेलको स्तर उन्नत गर्ने र नेपाली खेलाडीलाई अन्तर्राष्ट्रिय प्रतिस्पर्धात्मक अनुभव प्राप्त गर्ने एउटा महत्वपूर्ण अवसरको रुपमा लिएको छ।
प्रतियोगिताको कुल पुरस्कार राशि १ हजार अमेरिकी डलर रहेको छ। विजेताले ४००, उपविजेताले २०० र सेमिफाइनलमा पुगेका दुई खेलाडीले प्रत्येकलाई १०० अमेरिकी डलर पुरस्कार प्राप्त गर्नेछन्। क्वार्टरफाइनलमा पुग्ने खेलाडीलाई प्रत्येकलाई ५० अमेरिकी डलर पुरस्कार दिने योजना छ। २०२८ मा अमेरिकाको क्यालिफोर्नियामा आयोजना हुन लागेको एलए ओलम्पिकमा स्क्वाश खेल समावेश भएसँगै यस खेलको अन्तर्राष्ट्रिय महत्व बढेको छ। संघले प्रतियोगिताको सम्पूर्ण खर्च आफ्नै मौद्रिक स्रोतबाट व्यहोर्ने भएपछि राष्ट्रिय खेलकुद परिषद्ले आर्थिक सहयोग गर्ने अपेक्षा राखिएको छ।
