थाईल्यान्डको साकोन नाकोन प्रान्तमा एक तीन वर्षे बालक लरीमा झुन्डिएर आफ्नो घरबाट १० किलोमीटर टाढा पुगेका छन्। स्थानीय प्रहरीले बालकलाई लरीमा झुन्डिएको देखेपछि त्यसलाई रोकेको थियो। यो घटना अहिले थाईल्यान्डसहित अन्य देशहरूमा व्यापक रुपमा ‘भाइरल’ भएको छ।
स्थानीय सञ्चारमाध्यमले जानकारी दिएका छन् कि बालक अलमलिएको अवस्थामा आमाबाट टाढा गएर एउटा सानो लरीमाथि चढेको थियो। पछि बालकलाई आमाबुबासँग पुनः भेट गराइएको छ।
