बेलायतले युक्रेनलाई पूर्ण समर्थन जारी राख्ने घोषणा गरेको छ भने प्रधानमन्त्री एन्डी बर्नह्यामले आवश्यक परे बेलायतलाई सधैं युक्रेनको साथमा रहने बताएका छन्। यद्यपि, रूसी दूतावासले बेलायतमाथि युक्रेन संकटलाई तीव्र पार्ने आरोप लगाउँदै द्वन्द्वमा संलग्नता जारी राखे ‘‘उच्च मूल्य’’ चुकाउनु पर्ने चेतावनीसमेत दिएको छ।
युक्रेनले मास्कोसहितका रूसका विभिन्न क्षेत्रहरूमा लामो दूरीका ड्रोन आक्रमण तीव्र पार्दै तेल प्रशोधन केन्द्र र वाइल्डबेरीजसँग सम्बन्धित गोदामहरूलाई निशाना बनाएको छ। ३ भदौ, लन्डन (रासस/क्युएनए)। हालै रूसमा भएका युक्रेनी आक्रमणमा बेलायतमा निर्मित ड्रोन प्रयोग भएको पुष्टि भएपछि रूसको चेतावनी बाबजुद पनि बेलायतले युक्रेनलाई पूर्ण समर्थन जारी राख्ने घोषणा गरेको हो।
बेलायती प्रधानमन्त्री एन्डी बर्नह्यामले विज्ञप्ति जारी गर्दै युक्रेनलाई आवश्यक परेको खण्डमा बेलायत सधैं साथमा रहने बताए। युक्रेनलाई निरन्तर सैन्य सहयोग प्रदान गर्दा रूसबाट उत्पन्न हुन सक्ने जोखिमका बारेमा सोधिएको प्रश्नमा उनले भने, “हामी युक्रेनलाई आत्मरक्षा गर्न आवश्यक सहयोग दिइरहेका छौं र आगामी दिनमा पनि समर्थन जारी रहनेछ।”
त्यसै क्रममा, लन्डनस्थित रूसी दूतावासले बेलायतमाथि जानाजानी युक्रेन संकट थप चर्काउने नीति अपनाएको आरोप लगाएको छ। बेलायतले द्वन्द्वमा आफ्नो संलग्नता निरन्तर राखे त्यसको ‘‘उच्च मूल्य’’ चुकाउनुपर्ने चेतावनीसहित दूतावासले यसको परिणाम भोग्नुपर्ने बताएको छ। युक्रेनले पछिल्लो समय मास्कोसहित रूसका विभिन्न क्षेत्रमा लामो दूरीका ड्रोन आक्रमण तीव्र पारेको छ।
