२३ भदौ, काठमाडौं । मुस्ताङको लोमन्थाङ नजिकै केन्द्र भएर ५.३ रेक्टर स्केलको भूकम्प गएको छ। भूकम्प मापन केन्द्रका प्रमुख लोकविजय अधिकारीका अनुसार मंगलबार राति ९:५३ बजे यो भूकम्प महसुस गरिएको हो।
युरोपियन–मेडिटेरेनियन सिस्मोलोजिकल सेन्टरका अनुसार भूकम्पको केन्द्र भूमिगत सतहबाट करिब ३५ किलोमिटर गहिराइमा रहेको थियो। भूकम्पको धक्का तिब्बतदेखि मुस्ताङ, बागलुङ, धौलागिरि रेंज र देशका विभिन्न भागहरूमा महसुस गरिएको छ।
हालसम्म यस भूकम्पबाट कुनै क्षतिको विवरण सार्वजनिक गरिएको छैन। पछिल्लो समय हिमाली क्षेत्रहरूमा भूकम्पसँगै पहिरो, हिमताल विस्फोट र बाढी जन्य प्रकोपहरूको जोखिम बढेको देखिएको छ।
