२६ भदौ, काठमाडौँ । इरानका राष्ट्रपति मसूद पेजेस्कियान ब्रिक्स शिखर सम्मेलनमा सहभागी हुन नयाँ दिल्ली आएका छन्। भारत प्रवेश गर्दा उनलाई भारतीय राज्यमन्त्री शान्तनु ठाकुरले स्वागत गरेका छन्। दिल्ली प्रस्थान गर्नु अघि राष्ट्रपति पेजेस्कियानले तेहरानमा ब्रिक्सको उद्देश्य अमेरिकी एकाधिकारविरुद्ध प्रतिरोध गर्नु रहेको बताएका थिए। ‘नयाँ ब्रिक्स देशहरूले डलरमा निर्भरता मुक्त हुन र अमेरिकी दबदबाको विरोध गर्नका लागि गठित गरिएको हो,’ उनले बताएका थिए। समाचार एजेन्सी पीटीआईका अनुसार, पेजेस्कियान र प्रधानमन्त्री नरेन्द्र मोदीबीच शुक्रबार साँझ द्विपक्षीय वार्ता हुनेछ। वार्ताको उद्देश्य दुई देशबीच व्यापार वृद्धि गर्ने र आपसी सम्बन्ध अझ सुदृढ बनाउने रहेको छ। यो पेजेस्कियानको राष्ट्रपति रूपमा भारतमा पहिलो भ्रमण हो। अमेरिकाले इरानविरुद्ध आर्थिक नाकाबन्दी लगाइरहेको र पश्चिम एसियामा तनाव बढिरहेको समयमा यो भ्रमण भइरहेको छ। भारतमा भइरहेक ब्रिक्स शिखर सम्मेलनमा सहभागी अन्य प्रमुख नेताहरूमा रुसी राष्ट्रपति भ्लादिमिर पुटिन र चिनियाँ राष्ट्रपति सी जिनपिङ पनि छन्।
