ढाकामा आयोजना हुने साफ च्याम्पियनसिप फुटबलको खेल तालिका सार्वजनिक गरिएको छ। पहिलो खेल ५ नोभेम्बरमा पाकिस्तान र भारतबीच खेलिने तय भएको छ। समूह ‘ए’ मा भारत, पाकिस्तान र माल्दिभ्स रहेका छन् भने समूह ‘बी’ मा भुटान, बंगलादेश र श्रीलंका छन्। फिफाबाट निलम्बन भएको कारण नेपाली टोलीको साफ च्याम्पियनसिपमा सहभागिता सेप्टेम्बर अन्त्यसम्म निलम्बन हटाउने गरेको भए मात्र सुनिश्चित हुनेछ।
बंगलादेशको ढाकामा आयोजना हुने साफ च्याम्पियनसिप फुटबलको खेल तालिका अनुसार पहिलो खेल आगामी नोभेम्बर ५ मा पाकिस्तान र भारतबीच हुनेछ। सोही दिन दोस्रो खेलमा भुटान र बंगलादेश बेचलिनेछन्। नोभेम्बर ८ मा माल्दिभ्स र पाकिस्तान तथा श्रीलंका र भुटानबीच खेल आयोजना हुनेछ। नोभेम्बर ११ मा भारत र माल्दिभ्स तथा बंगलादेश र श्रीलंका खेल्ने तालिका रहेको छ। दुवै समूहका शीर्ष दुई टोली सेमिफाइनलमा प्रवेश गर्नेछन्। फाइनल खेल नोभेम्बर १७ मा आयोजना गरिनेछ।
अन्तर्राष्ट्रिय फुटबल महासंघ (फिफा) द्वारा जारी निलम्बनका कारण नेपालको सहभागिता अझै अनिश्चित छ। सेप्टेम्बरको अन्त्यसम्म निलम्बन फुकुवा भएका खण्डमा मात्र नेपाल साफ च्याम्पियनसिपमा भाग लिन सक्नेछ। यदि निलम्बन जारी रह्यो भने नेपालले साफ च्याम्पियनसिप गुमाउनेछ।
सम्बन्धित खबर
