२१ असोज, काठमाडौं । लियोनल मेसीले अर्जेन्टिनाको राष्ट्रिय टोलीका लागि आफ्नो बिदाइ खेलमा गोल गरेका छन् र अर्जेन्टिनाले विजय हासिल गरेको छ । बुधवार बिहान अर्जेन्टिनाको घरेलु मैदानमा आयोजित मैत्रीपूर्ण खेलमा अर्जेन्टिनाले बेनिनलाई ३-० ले पराजित गरेको थियो, जसमा कप्तान मेसीले एक गोल गरे । निकोलस ओटामेन्डी र निको पाजले १-१ गोल गरेका थिए ।
खेलको ४८औं मिनेटमा निकोलस ओटामेन्डीले गोल गर्दै अग्रता दिलाएका थिए भने ६१औं मिनेटमा निको पाजले अर्को गोल थपे । कप्तान मेसीले ७१औं मिनेटमा पेनाल्टीमार्फत् गोल गर्दै अन्तिम स्कोर ३-० को जित सुनिश्चित गरे । मेसीले गत महिना अन्तर्राष्ट्रिय फुटबलबाट सन्यासको घोषणा गरेका थिए ।
