२१ असोज, काठमाडौं । आईसीसी क्रिकेट विश्वकप लिग २ अन्तर्गतको श्रृंखलामा ओमानमा रहेको नेपाली क्रिकेट टोलीले ओमान ए विरुद्ध पहिलो अभ्यास खेलमा सफलताको पाइला चाल्यो। ओमान क्रिकेट एकेडेमी टर्फ २ मा बुधबार सम्पन्न खेलमा नेपालले ओमानलाई २ विकेटले पराजित गरेको हो। ओमानले दिएको १६१ रनको लक्ष्य पछ्याउँदै नेपाली टोलीले २४० रनको उच्च लक्ष्य बनाउँदै प्रतिस्पर्धा गरेको थियो। नेपालले २४० रनको लक्ष्य १० बल बाँकी रहँदा ८ विकेट गुमाएर पूरा गर्यो।
इशान पान्डेले सर्वाधिक ७२ रन बनाए भने आसिफ शेखले ३७ र देव खनालले ३४ अविजित रन बनाए। गुलशन झाले पनि ३० रनसहित महत्वपूर्ण योगदान दिए। त्यसअघि टस हारेर पहिले ब्याटिङ गरेको ओमान ए टोली ३९.५ ओभरमा अलआउट हुँदै १६० रनमा समेटिएको थियो। कप्तान हम्माद मिर्जाले सर्वाधिक ५४ रन बनाए भने जिक्रिया इस्लामले ३५ तथा सन्जु सजीवले ३४ रन योगदान दिए। नेपालका लागि नन्दन यादवले ५ ओभरमा १७ रन खर्चेर ३ विकेट लिए। करण केसी र सन्दीप लामिछानेले समान रूपमा २-२ विकेट लिए भने गुलशन झा, ललित राजवंशी र शाहब आलमले एक-एक विकेट लिए। आगामी हप्ता ओमानमा नेपाल, ओमान र क्यानडाको सहभागितामा लिग २ अन्तर्गतको ओडीआई श्रृंखला सुरु हुँदैछ।
