आईसीसी टी-२०आई अलराउन्डर वरियतामा नेपाली कप्तान दीपेन्द्रसिंह ऐरी चौथो स्थानबाट पाँचौं स्थानमा झरेका छन्। दीपेन्द्रको रेटिङ अंक २५५ रहेको छ, भने रस्टन चेज भारतविरुद्धको टी-२०आई शृङ्खलामा गरेको उत्कृष्ट प्रदर्शनको आधारमा तेस्रो स्थानमा उक्लिएका छन्। अलराउन्डर वरियताको शीर्ष स्थान जिम्बाबेको सिकन्दर राजा ३२१ रेटिङ अंकसहित यथावत् रहेका छन्।
२८ असोज, काठमाडौं। नेपाली टी-२०आई क्रिकेट टोलीका कप्तान दीपेन्द्रसिंह ऐरी आईसीसी टी-२०आई अलराउन्डर वरियतामा एक स्थान खस्किएका छन्। आईसीसीले मंगलबारसम्मको अपडेटका आधारमा बुधबार नयाँ वरियतालाई सार्वजनिक गर्दै दीपेन्द्रलाई पाँचौं स्थानमा राखेको छ। उनको रेटिङ अंक २५५ छ। नेपाली पुरुष टोलीले एसियन गेम्स खेलेपछि पछिल्लो समय टी-२०आई खेल खेल्न पाएको छैन।
दीपेन्द्रभन्दा तल रहेका रस्टन चेज हाल भारतसँगको टी-२०आई शृङ्खलामा खेलिरहेका छन्। त्यहाँ गरेको उत्कृष्ट प्रदर्शनको कारण चेज तेस्रो स्थानमा उक्लिएका छन् भने दीपेन्द्र आफ्नो स्थान तल झरेका हुन्। अलराउन्डर वरियताको शीर्ष स्थान जिम्बाबेको सिकन्दर राजा यथावत् छन्, जसको रेटिङ अंक ३२१ छ। दोस्रो स्थानमा पाकिस्तानका सायम अयुब छन्।
सम्बन्धित खबर
