काठमाडौँ : धितोपत्र बजारमा आज नेप्से परिसूचक झिनो अङ्कले बढेको छ। नेपाल स्टक एक्सचेञ्जका अनुसार नेप्से ०.९४ अङ्कले बढेर २ हजार ६३०.७६ बिन्दुमा पुगेको हो।
नेप्से बढे पनि अन्य प्रमुख सूचक भने घटेका छन्। ठूला कम्पनीको कारोबार मापन गर्ने सेन्सेटिभ परिसूचक ०.३० अङ्कले घटेर ४७५.४७ बिन्दुमा सीमित भएको छ। त्यस्तै, फ्लोट सूचक ०.१० अङ्कले घटेर १८२.११ र सेन्सेटिभ फ्लोट सूचक ०.२६ अङ्कले घटेर १६०.६९ बिन्दुमा पुगेको छ।
आज १ करोड ५३ लाख ४६ हजार २२६ कित्ता शेयर ५ अर्ब ७९ करोड ९३ लाख ३० हजार २०३ रुपैयाँमा खरिदबिक्री भएको छ।
कारोबार भएका १३ उपसमूहमध्ये चारको सूचक बढेको छ भने नौको घटेको छ। कम्पनीगत रूपमा १३५ कम्पनीको शेयर मूल्य बढ्दा १३६ कम्पनीको घटेको छ। आठ कम्पनीको मूल्य भने स्थिर रहेको छ।
नेप्सेका अनुसार बेनी हाइड्रोपावर, माथिल्लो मैलुङ खोला हाइड्रोपावर र दोर्दीखोला जलविद्युत्लगायतका कम्पनीको शेयर मूल्य बढेको छ। युनिलिभर नेपालको शेयर तथा एभरेष्ट बैंक र नबिल बैंकका डिबेञ्चरलगायतको मूल्य भने घटेको छ।
सम्बन्धित खबर
