कर्णाली याक्सले तेस्रो संस्करणको नेपाल प्रिमियर लिग (एनपीएल) मा विराटनगर किंग्सलाई एक बल बाँकी छँदा १८७ रनको लक्ष्य पूरा गर्दै रोमाञ्चक जित निकालेको छ। कर्णालीका कप्तान सोमपाल कामीले ३२ बलमा अविजित ६२ रन बनाउँदै गुल्सन झासँग सातौं विकेटका लागि ६४ रनको साझेदारी गरे। विराटनगरका लोकेश बमले ५२ बलमा ८७ रन बनाए पनि टोली ७ विकेटमा १८६ रनमै सीमित भयो, र सोमपालले ४ विकेट लिए। १२ कात्तिक, काठमाडौं।
कर्णालीका लागि कप्तान सोमपाल कामीले अर्धशतक पूरा गरे। उनले ४ चौका र ३ छक्का प्रहार गरे। अन्तिम ओभरमा कर्णालीलाई जितको लागि ८ रन आवश्यक थियो। पहिलो बलमा सोमपालले एक रन लिए। गुल्सनले दोस्रो बलमा दुई र तेस्रो बलमा एक रन लिए। चौथो र पाँचौ बलमा दुईदुई रन लिँदै सोमपालले कर्णालीलाई रोमाञ्चक जित दिलाए।
कर्णालीले सुरुवाती ५ विकेट सस्तोमै गुमाएको थियो। मार्क वाट एक, दीपक डुम्रे २०, अक्बर अली एक, अरिफुल इस्लाम ३२, र हुसेन तलत कुनै पनि रन नजोडी पभेलियन फर्किए। त्यसपछि सोमपाल र पवन सर्राफले कर्णालीलाई सम्हालेका थिए। बलिङमा एन्जेलो म्याथुजले सर्वाधिक ३ विकेट लिए।
विराटनगरले निर्धारित २० ओभरमा ७ विकेट गुमाएर १८६ रन बनाएको थियो। ओपनर लोकेश बमले ५२ बलमा ८७ रनको योगदान दिए। उनले ३ चौका र ९ छक्का प्रहार गरे। सोमपाल कामीले ४ ओभरमा ३३ रन खर्चिएर ४ विकेट लिए।
सम्बन्धित खबर
