एनपीएल २०२६ को मिति सार्वजनिक, कात्तिक ९ देखि मंसिर ५ सम्म सञ्चालन गरिने

नेपाल क्रिकेट संघले नेपाल प्रिमियर लिग (एनपीएल) को तेस्रो संस्करण आगामी कात्तिक ९ गतेदेखि मंसिर ५ गतेसम्म सञ्चालन गर्ने निर्णय गरेको छ। क्यानका सचिव पारस खड्काले विज्ञप्तिमार्फत एनपीएल २०२६ आगामी अक्टोबर २६ देखि नोभेम्बर २१ सम्म हुने जानकारी दिएका छन्। लिगका लागि खेलाडी अक्सन सम्पन्न भइसकेको छ र अहिले टोलीहरूले विदेशी खेलाडी अनुबन्ध गर्ने प्रक्रिया सुरु गरेका छन्। २३ साउन, काठमाडौं। नेपाल प्रिमियर लिग (एनपीएल) २०२६ को मिति सार्वजनिक भएको छ। नेपाल क्रिकेट संघ (क्यान) ले शनिबार बेलुका एनपीएलको तेस्रो संस्करणका लागि मिति घोषणा गरेको हो, जसअनुसार एनपीएलको तेस्रो संस्करण कात्तिक ९ देखि मंसिर ५ सम्म सञ्चालन हुने भएको छ। ‘एनपीएल २०२६ आगामी अक्टोबर २६ देखि नोभेम्बर २१ सम्म सञ्चालन हुनेछ’ क्यान सचिव पारस खड्काले जारी गरेको विज्ञप्तिमा उल्लेख गरिएको छ। एनपीएलका लागि अक्सन सम्पन्न भइसकेको छ भने अहिले विभिन्न टोलीहरूले विदेशी खेलाडीहरू अनुबन्ध गर्ने प्रक्रिया सुरु गरेका छन्। क्यानले घोषणा गरेको मिति दशैँ र तिहारको बीचमा पर्ने भएको छ। मिति अनुसार तिहार सोही समयमा पर्नेछ। यसअघि भने एनपीएल तिहारपछि मंसिर महिनामा हुँदै आएको थियो।