सविन तामाङले शनिबार काठमाडौं खेलमण्डल एनआरटी नेपालको टप १६ ग्रान्ड मास्टर्स स्नूकर च्याम्पियनशिपमा उपाधि जितेका छन्। फाइनलमा उनले रोहित क्षेत्रीलाई ६–१ सेट अन्तरले पराजित गर्दै एक लाख ११ हजार १११ रुपैयाँ पुरस्कार प्राप्त गरेका छन्। त्रिपुरेश्वरस्थित एनआरटी भवनमा सम्पन्न प्रतियोगितामा उपविजेता बनेका रोहित क्षेत्रीले ५१ हजार रुपैयाँ पुरस्कार पाएका छन्।
सविन तामाङले फाइनलमा रोहित क्षेत्रीलाई सजिलै ६–१ को सेटमा हराए। बेस्ट अफ इलेभेन फारम्याटमा भएको फाइनलमा सविनले ५९–३२, १–७०, ७३–५२, ५९–४१, ७४–२२, ६८–१३ र ६७–१७ को स्कोरमा विजयी भए। यो सविनको रोहितमाथि तेस्रो जित हो। रोहित क्षेत्रीले लगातार दोस्रो पटक फाइनलमा हार व्यहोरेका छन्।
प्रतियोगिता त्रिपुरेश्वरस्थित एनआरटीको आफ्नै भवनमा सम्पन्न भएको थियो। विजेता सविनले ट्रफीसहित एक लाख ११ हजार १११ रुपैयाँ पुरस्कार प्राप्त गरे। उपविजेता रोहितले ५१ हजार रुपैयाँ र ट्रफीसहित सीमित भए। सेमिफाइनलमा पुगेका वाङचू तामाङ र राजन गुरुङलाई पनि २५ हजार रुपैयाँ र ट्रफी प्रदान गरियो। प्रतियोगितामा प्रमुख अतिथिहरूमा केकेएम एनआरटीका संरक्षक समितिका सदस्य दुर्गा महर्जन, बागमती प्रदेश सभाका सदस्य दिपेन्द्र श्रेष्ठ, एनआरटीका अध्यक्ष सुन्दर नरसिंह जोशी, महासचिव सतिसकृष्ण श्रेष्ठ, प्रतियोगिता संयोजक राजेन्द्र शाक्य (माईला) र नेपाल बिलियर्ड स्नूकर एण्ड पुल संघका अध्यक्ष सरोज मुल्मी रहेका थिए।
