कप्तान परिवर्तनपछि सोमपाल कामी, आरिफ शेखजस्ता अनुभवी खेलाडीहरू एसीसी प्रिमियर कप खेल्ने टिममा चयन हुन सकेनन्। नेपाल क्रिकेट संघले सन्दीप लामिछानेलाई नेपाली एकदिवसीय टोलीको नयाँ कप्तानमा नियुक्त गरेको छ। विश्वकप लिग २ मा टोलीको कमजोर प्रदर्शनपछि क्यानले कप्तान परिवर्तनसहित १४ सदस्यीय टोलीमा व्यापक परिवर्तन गरेको हो। अस्ट्रेलियामा हुने टप एन्ड टी-२० प्रतियोगिताका लागि अनिल कुमार शाहको कप्तानीमा नेपाल ए टोली पनि घोषणा गरिएको छ। २५ साउन, काठमाडौं।
क्रिकेट विश्वकप लिग २ मा लगातार कमजोर प्रदर्शनपछि नेपाली क्रिकेट टोलीमा कप्तानसहित व्यापक परिवर्तन गरिएको छ। नेपाल क्रिकेट संघ (क्यान) ले लेग स्पिनर सन्दीप लामिछानेलाई नेपाली एकदिवसीय टोलीको नयाँ कप्तान घोषित गरेको छ। साथै, अगष्ट ३० देखि मलेसियामा सुरु हुने एसीसी मेन्स प्रिमियर कपका लागि लामिछानेको कप्तानीमा १४ सदस्यीय टोली घोषणा गरिएको छ। उक्त टोलीमा कप्तानसहित व्यापक परिवर्तन गरिएको छ।
केही समयअघि नेदरल्याण्ड्समा भएको लिग २ सिरिजमा खेलिएको चारै खेलमा पराजित भएपछि क्यानले उक्त परिवर्तन गरेको हो। कप्तान परिवर्तन हुँदा अनुभवी खेलाडीहरू सोमपाल कामी, आरिफ शेखजस्ता खेलाडी प्रिमियर कप खेल्ने टोलीमा छनोट हुन सकेनन्। लिग २ खेल्न गईएको टोलीमा पनि व्यापक परिवर्तन गरिएको छ। क्यानका क्रिकेट निर्देशक विनोद दासले भने, “हामीले ओडीआई साइकलमा सोचेअनुसार प्रदर्शन गर्न सकेका छैनौँ।”
लिग २ मा नेपालले ३२ खेलमा ११ जित र २ बिना नतिजाका खेलबाट कुल २४ अंक जोडेको छ र ८ टोलीमध्ये सातौँ स्थानमा रहेको छ। कप्तान परिवर्तन पछि ५० ओभरको क्रिकेटमा नेपालले पछिल्लो समय राम्रो प्रदर्शन गर्न नसकेको कारण नेतृत्वमाथि प्रश्न उठ्दै आएको थियो। सन्दीप लामिछाने पुनः ओडीआई टोलीको कप्तान बनेका छन्। क्यानले केही समयअघि अलराउन्डर दीपेन्द्रसिंह ऐरीलाई टी-२०आई कप्तान बनाइसकेको छ।
