संयुक्त राज्य अमेरिकाका पूर्व राष्ट्रपति डोनल्ड ट्रम्पले गत महिना टर्कीमा सम्पन्न नेटो शिखर सम्मेलनबाट फिर्ता आउँदा संभावित खतरा देखिएपछि गोप्य रुपमा विमान परिवर्तन गरेको पुष्टि गर्नुभएको छ। “म ‘सीक्रेट सर्भिस’ र सेनाको सल्लाह अनुसार काम गर्छु। उनीहरूले मलाई अर्को उडान र अर्को विमानमा जान भनिरहेका थिए,” ट्रम्पले पत्रकारहरूसँग भन्नुभयो।
पहिले वाशिङ्टन पोस्टले ट्रम्पले गोप्य रुपमा विमान परिवर्तन गरेको र सो क्रममा केही समय एक केटरिङ ट्रकमा लुकेको जानकारी प्रकाशित गरेको थियो। त्यो विवरण अनुसार, इरानबाट आउने खतरा विचार गर्दै उनलाई ‘एअर फोर्स वन’ विमानबाट गोप्य रुपमा अमेरिकी सेनाको अर्को विमानमा सारिएको थियो।
‘एअर फोर्स वन’ मा सवार पत्रकार र ह्वाइट हाउस कर्मचारीहरूलाई ट्रम्पको अर्को विमानमा स्थानान्तरणको जानकारी थिएन। अमेरिकी अधिकारीहरूले एक मिडियालाई भने अनुसार, इरानबाट क्षेप्यास्त्र प्रहार हुनसक्ने “विश्वसनीय” खतरा देखिएपछि अमेरिका सचेत भएको थियो।
अङ्कारामा ट्रम्पले आफूलाई इरानको “पहिलो लक्ष्य” रहेको बताउनुभएको थियो। वाशिङ्टन र तेहरानबीच युद्ध अन्त्य गर्ने प्रयास असफल भएपछि अमेरिकी सेनाले इरानमाथि पुनः आक्रमण सुरु गरेको भोलिपल्ट ट्रम्प अङ्काराबाट फर्किएका थिए।
सम्बन्धित खबर
