Skip to main content
Advertisement1200×100-inside-1
Advertisement1200×100-blank-1
Advertisementxtreme adv

हेटौँडा कपडा उद्योग पुनः सञ्चालन गर्ने ‘बालेन’को प्रयासमा उत्साह र आशंका

Advertisement800×200-1

प्रधानमन्त्री वालेन्द्र शाह बालेनले सरकारी हेटौँडा कपडा उद्योग पुनः सञ्चालन गर्ने घोषणा गरेपछि, यस विषयमा मिश्रित प्रतिक्रिया देखिएका छन्। कतिपयले उद्योग पुनः शुरु हुनेमा उत्साहित भए भने केहीले सरकारले निजी क्षेत्रको भूमिकालाई सिमित बनाउन खोजेको ठानेका छन्। प्रधानमन्त्री शाहले केही दिनअघि फेसबुकमा नेपाली सेनाले उद्योगका तानहरूको मर्मत गरेपछि परीक्षण उत्पादन पनि सुरु भइसकेको जानकारी दिएका थिए। उनले भनेका छन्, “परीक्षणपछि नेपाल सरकारले नै सञ्चालन गर्नेछ।”
सरकारले परीक्षण उत्पादन अघि बढाएकोमा उद्योगले पुनर्जीवन पाउने अपेक्षाले स्थानीयवासीमा खुशी छ। विसं २०३१ मा स्थापना भएको उद्योग राजनीतिक र प्रशासनिक अनियमितता र अन्योलका कारण २०५६/५७ सालतिर बन्द भयो। अब त्यस्तो अवस्था नदोहरियोस् भनेर सतर्क हुन आवश्यक छ,” उद्योगका पूर्वकर्मचारी तथा स्थानीय बासिन्दा प्रकाश पौडेलले भने।
सरकार आफैँ उद्योग सञ्चालनमा अघि बढेपछि कतिपय कपडा उद्योगी तथा अर्थशास्त्रीले सरकारको नीतिगत अस्पष्टता रहेको बताएका छन्। कपडा उद्योग सङ्घका अध्यक्ष शैलेन्द्रलाल प्रधानले सरकारले सरकारकै हातमा उद्योग सञ्चालन गर्न खोजिरहेकोले देशका कपडा उद्योग क्रमशः कमजोर हुँदै गएको कारण पहिचान गरी नीतिगत सुधार आवश्यक रहेको बताए। “विगतमा विराटनगरमा मात्र दुई दर्जनभन्दा बढी कपडा उद्योग थिए, अहिले एउटा मात्रै बाँकी छ। यस्तो किन भयो?” प्रधानले प्रश्न गरे, “यसलाई नीतिगतरीत्या समाधान गर्नुको सट्टा सरकारले सानो क्षेत्रका लागि उद्योग संचालन गर्न अघि बढेको छ। हामीतर्फ सरकारले ध्यान दिएको छैन।”


Advertisementadv-800×200.png

सम्बन्धित खबर