चीनको सिजाङ स्वायत्त क्षेत्रमा पहिरोपछि आपतकालीन उद्धार कार्यका लागि पिपुल्स आर्म्ड पुलिसका १४५ जना परिचालन भएका छन्। उक्त पहिरोले जिरोङ काउन्टी जोड्ने सडक अवरुद्ध भएको छ भने पोर्ट नजिकैका केही भवनहरू माटो र गेगरले पुरिएका छन्। स्थानीय प्रशासनले जोखिममा परेका मानिसहरूलाई सुरक्षित स्थानमा सार्दै सैनिकहरूले बाटो खुलाउने र उद्धार कार्य तीव्र पारिरहेका छन्।
१० भदौमा चीनको तिब्बत स्वायत्त क्षेत्रमा पहिरो गएको छ र त्यसपछिको उद्धार कार्यका लागि आर्म्ड पुलिस परिचालन गरिएको छ। चिनियाँ सञ्चारमाध्यम ग्लोबल टाइम्सका अनुसार, दक्षिणपश्चिम चीनको तिब्बत स्वायत्त क्षेत्रमा पहिरोपछि पिपुल्स आर्म्ड पुलिसका १४५ जना अधिकृत तथा जवानहरू उद्धारका लागि परिचालित भएका छन्।
जनमुक्ति सेनाको सिजाङ कोर्प्सबाट प्राप्त जानकारीअनुसार सिगात्सेका सैनिकहरूलाई सीमा क्षेत्रमा पठाइएको छ। नेपालतर्फ गएको पहिरोले गर्दा जिरोङ काउन्टी जोड्ने सडक पूर्ण रूपमा अवरुद्ध भएको छ। ड्रोनबाट प्राप्त दृश्यमा पोर्ट नजिकैका केही भवनहरू माटो र गेगरले पुरिएको देखिएको छ। सैनिकहरूले प्रभावित क्षेत्रमा बाटो खुलाउने काम गरिरहेका छन् र उद्धार अभियानलाई तीव्र बनाइरहेका छन्। स्थानीय प्रशासनले जोखिममा परेका मानिसहरूलाई सुरक्षित स्थानमा सार्ने कार्यमा लागि परेका छन्।
