बार्सिलोनाका खेलाडीहरूले नेपाल र चीनको सीमामा आएको विनाशकारी बाढीका पीडितहरूको सम्झनामा क्याम्प नोउमा एक मिनेट मौन धारण गरेका छन्। १२ भदौ, काठमाडौं। नेपालमा आएको बाढीको सम्झनामा स्पेनिस क्लब बार्सिलोनाका खेलाडीहरूले एक मिनेट मौन धारण गरेका हुन्। आज बिहान बार्सिलोनाको घरेलु मैदान क्याम्प नोउमा भएको खेलअघि खेलाडीहरूले मौन धारण गरेका हुन्। क्लबले सामाजिक सञ्जाल ट्विटरमार्फत यसबारे जानकारी दिएको छ।
‘गत सिजनमा निधन भएका बार्सिलोनाका सदस्यहरूका साथै नेपाल र चीनको सीमामा आएको विनाशकारी बाढीबाट पीडितहरूको सम्झनामा एक मिनेट मौन धारण गरिएको थियो’ बार्सिलोनाले फोटोसहित यो जानकारी पोस्ट गरेको छ। बार्सिलोनाले ला लिगामा यो सिजनको दोस्रो खेल एथलेटिक क्लबसँग खेलेको हो। खेलमा २–० को जित निकाल्न सफल भयो। राफिन्हाले ३७औं र फेमिन लोपेजले ८२औं मिनेटमा गोल गर्दै टोलीलाई सहज जित दिलाए। विश्वकपपछि म्यानचेस्टर सिटीबाट बार्सिलोनामा आएका रोड्रीले बार्सिलोनादेखि डेब्यु गरेका छन्। उनी ६२औं मिनेटमा मैदानमा प्रवेश गरेका थिए। बार्सिलोनाले यस सिजनका सुरुवाती दुवै खेल जितेको छ।
सम्बन्धित खबर
