आज श्रावण शुक्ल पूर्णिमाको अवसरमा काठमाडौंको पशुपतिनाथ परिसरमा जनैपूर्णिमा र रक्षाबन्धनको लागि भक्तजनहरूको भीड लागेको छ। १२ भदौ, काठमाडौं। हरेक वर्ष यस दिन जनैपूर्णिमा र रक्षाबन्धन पर्व मनाइन्छ। यस पर्वमा वैदिक सनातन धर्मावलम्बीहरू नदी, ताल, तालाउ, पोखरीमा गई स्नान गरी गुरु पुरोहितबाट रक्षा सूत्र बाँध्छन्।
आज बिहानैदेखि काठमाडौंको पशुपतिनाथ मन्दिर परिसरमा भक्तजनहरूको चहलपहल सुरु छ। पशुपति क्षेत्रका बालबालिका पनि स्नान गर्न, रक्षाबन्धन बाँध्न र जनै फेर्नमा व्यस्त देखिएका छन्। पशुपति परिसरका पुरोहितहरू रक्षाबन्धन र जनैसम्बन्धी क्रियाकलापमा आफ्नो लयमा व्यस्त छन्। भक्तजनहरूको लाम बढेको छ र रक्षाबन्धन बाँध्दै र जनै फेर्न आउने भक्तजनहरूको भिड देख्न सकिन्छ।
यसै दिन ब्राह्मण, क्षत्री र वैश्य जातिका तागाधारीहरूले जनै फेर्नुपर्ने धार्मिक नियम शास्त्रहरूमा उल्लेख छ। गुरु पुरोहितले विधिपूर्वक मन्त्रोपचार गरिएको डोरी (रक्षासूत्र) पहिराउँदा नकारात्मक तत्वहरूबाट सुरक्षा प्राप्त हुने धार्मिक विश्वास रहेको छ। जनैपूर्णिमामा विभिन्न प्रकारका गेडागुडी मिसाएर भिजाएर टोसा उमारेर बनाइएको क्वाँटी खाने चलन छ।
