त्रिशूली ३ए को सुरुङमा फसेकाहरूको उद्धारका लागि नेपाली सेना, विद्युत् प्राधिकरण र अन्य उद्धारकर्मीहरूको टोलीसँगै इन्जिनियर तथा सुरुङ विशेषज्ञ श्रीराम न्यौपाने मङ्गलवार दिउँसो बीबीसी न्यूज नेपालीसँग कुराकानी गरेका छन्। उनी उद्धार प्रयासमा विशेषज्ञका रूपमा संलग्न छन्। उहाँले त्यहाँको अवस्थाबारे बीबीसी न्यूज नेपालीका सञ्जय ढकाललाई केही विवरण प्रदान गर्नुभएको छ।
अहिलेसम्मको सबैभन्दा ठूलो समस्या नदीले बगाएर ल्याएको डेब्री (ढुंगा, माटो र लेदो) छेउतिर ३० मिटर र सुरुङको मुखतिर २० देखि ३० मिटरसम्म थुप्रो लागेको छ। त्यहाँ ५ मिटर लामो, ४ मिटर चौडा र ३ मिटर अग्ला घरजत्रा ठूला चट्टानहरू छन्। अहिलेसम्म हामीले चारवटा त्यस्ता ठूला चट्टान विस्फोट गरेर हटाइसकेका छौँ र पाँचौं चट्टान फोड्दैछौँ। लेदो र गेग्रान हटाउँदै छौँ।
सुरुङको मुखसम्मको मार्ग हामीले पहिले नै खोलिसकेका छौँ तर त्यहाँ उपकरण पु¥याएर भित्रको लेदो हटाउन यी ठूलो चट्टानहरू हटाउनै पर्छ। त्यसैले अहिले सुरुङको मुख अगाडिबाट पन्छाइरहेको छौँ। आज बेलुकीसम्म सुरुङ भित्रको लेदो निकाल्न सुरु गर्ने छौँ। पहिलो विकल्पको रूपमा सुरुङको २४ मिटर माथिको भागबाट माथि हामफालेर भित्र पस्ने प्रयास गरिएको थियो तर त्यो भाग सवै लेदोले भरिएको देखियो। त्यसैले अहिले सुरुङको मुखबाटै भित्र पस्ने तयारी गरिरहेको छौँ।
अहिलेसम्मका निरीक्षणले देखाएको छ कि सुरुङको मुखमा लेदो मात्रै छ। पहिलेदेखि काठका मुढा र ठुटाले फालेका अवरोध हटाइएको छ। मुखमा काठका अवरोध देखिए तापनि भित्र ठूलो ठूला चट्टान नभएको अनुमान गरिएको छ। लेदो र गेग्रान मात्रै छ। तर पूर्ण रूपमा ढाकिएको छ। मुखबाट लेदो हटाउँदै १६० मिटर भित्र पुग्दा पावरहाउसमा पुगिन्छ। प्राविधिक ‘ड्रइङ’ अनुसार पावरहाउसको माथिल्लो भागमा सुरक्षित ठाउँ छ जहाँ सुरक्षित रूपमा बस्न सकिन्छ। सुरुङको १६० मिटरको मार्ग पुरै सुरक्षित नसक्ने देखिए तापनि मानिसहरू सुरक्षित स्थान खोजिरहेका छन् र पावरहाउसको माथिल्लो भागमा क्राउन भन्दा माथि सुरक्षित बस्न सक्ने ठाउँ रहेको सम्भावना छ। त्यहाँ भित्र ४०-४५ जना व्यक्तिहरू हुन सक्ने अनुमान गरिएको छ।
