ललितपुरको जावलाखेलस्थित डीएभी सुशील केडिया विश्वभारती विद्यालयमा अगस्ट १७ देखि सुरु भएको दोस्रो ‘लेट सुशील केडिया स्पोर्ट्स गाला’ सोमबार सम्पन्न भएको छ। स्पोर्ट्स गालामा ९८ विद्यालयका १ हजार २० खेलाडीले विभिन्न खेलमा सहभागिता जनाएका थिए। क्रिकेटतर्फको आठौं सुशील केडिया मेमोरियल कपको उपाधि डीएभी ब्लुले जित्दै फाइनलमा डीएभी येलोलाई ३० रनले पराजित गरेको छ। २२ भदौ, काठमाडौं।
प्रतियोगितामा उत्कृष्ट खेलाडी तथा उत्कृष्ट ब्याटर डीएभी ब्लुका शेखर शाह, उत्कृष्ट बलर एलआरआई स्कुलका श्रेयश अवस्थी, उदीयमान खेलाडी हिमालयन ह्वाइट हाउस आईबी वर्ल्ड स्कुलका आयुष शाही र उत्कृष्ट विकेटकिपर डीएभी येलोका रोनिश करञ्जित घोषित भएका छन्। सेमिफाइनलमा डीएभी ब्लुले नेपाल पुलिस स्कूल तथा डीएभी येलोले हिमालयन ह्वाइट हाउस इन्टरनेसनल स्कूललाई पराजित गरेका थिए।
अन्य खेलमध्ये बास्केटबलमा बाल दीपक्षा सदन स्कूल विजेता बन्दा होली भिजन दोस्रो भएको छ। बास्केटबल महिलातर्फ ज्ञानदे बाल बाटिका विजेता र निसर्ग बाटिका दोस्रो भएका छन्। फुटबलमा सेन्ट जेभियर्स पहिलो, चेल्सी दोस्रो र ईपीएस स्कूल तेस्रो भएका छन्। टेबल टेनिसमा डीएभी पहिलो, एभीएम स्कूल दोस्रो र सृष्टि एकेडेमी तेस्रो भएका छन्। ब्याडमिन्टनमा नेपाल पुलिस स्कूल पहिलो, सेन्ट मेरीज दोस्रो र ग्यालेक्सी पब्लिक स्कूल तेस्रो भएका छन्। यस्तै, योगामा डीएभी पहिलो, एसिया प्यासिफिक दोस्रो र अकसिडेन्टल पब्लिक स्कूल तेस्रो हुँदा ताइक्वान्दोमा डीएभी पहिलो, सृष्टि एकेडेमी दोस्रो र माछापुच्छ्रे आईबी वर्ल्ड स्कूल तेस्रो भएका छन्।
सम्बन्धित खबर
