अन्नपूर्ण स्पाइकर किंग्सका उरानबयारलाई नेपाल भलिबल लिग (एनभीएल) को पहिलो संस्करणमा सर्वोत्कृष्ट खेलाडीको रुपमा सम्मानित गरिएको छ। उनलाई एक लाख रुपैयाँ नगद पुरस्कार दिइएको छ। फाइनलमा अन्नपूर्णले कर्णाली शिवराजलाई जित्दै उपाधि हासिल गरेको थियो।
अन्नपूर्णकै तुर्मान्डाख गान्खुयाग उत्कृष्ट सर्भर र उत्कृष्ट सेटर घोषित भएका छन् भने इंख एर्डेनले उत्कृष्ट अपोजिट हिटरको पुरस्कार जितेका छन्। प्रतियोगिताका सबै सात व्यक्तिगत विधाका विजेताले जनही ६० हजार रुपैयाँ पुरस्कार पाएका छन्।
कर्णाली शिवराजका विनोद चन्द उत्कृष्ट लिबेरो, मधेश वारियर्सका रबिन नगरकोटी उत्कृष्ट मिडल ब्लकर, र काठमाडौं रेड्सका अहमद मुस्तफा उत्कृष्ट आउटसाइड हिटर घोषित भएका छन्। शनिबार सम्पन्न फाइनलमा अन्नपूर्णले कर्णाली शिवराजलाई पराजित गर्दै उपाधि हात पारेको थियो।
सम्बन्धित खबर
