चितवन राइनोजले क्यानडाका पेस बलर कलिम सनालाई नेपाल प्रिमियर लिगको तेस्रो संस्करणका लागि अनुबन्ध गरेको छ। सनाले क्यानडाका लागि टी-२०आईमा ४५ खेलमा ६५ विकेट र ओडीआईमा ३३ खेलमा ५१ विकेट लिएका छन्। चितवनले यसअघि रवि बोपारालाई तेस्रो सिजन र सिकन्दर राजालाई पनि अनुबन्ध गरिसकेको छ। २८ भदौ, काठमाडौं।
क्यानडाका पेस बलर कलिम सनाले चितवन राइनोजबाट नेपाल प्रिमियर लिग (एनपीएल) को तेस्रो संस्करण खेल्ने भएका छन्। चितवनले सामाजिक सञ्जालमार्फत सनालाई अनुबन्ध गरिएको जानकारी दिएको छ। सना क्यानडा क्रिकेट टिमका मुख्य पेस बलर हुन्। सनाले क्यानडाका लागि टी-२०आईमा ४५ खेल खेल्दा ६५ विकेट लिएका छन्। ओडीआईमा ३३ खेलमा ५१ विकेट लिएका छन्। समग्र टी-२०मा सनाले ४९ खेलमा ६९ विकेट लिएका छन्। उनले ग्लोबल टी-२० लिग क्यानडा, पाकिस्तान सुपर लिग, आईएल टी-२० जस्ता फ्रेन्चाइज लिगहरूमा खेलेका छन्।
चितवनले यसअघि इंग्ल्यान्डका रवि बोपारालाई लगातार तेस्रो सिजनका लागि अनुबन्ध गरेको थियो भने जिम्बाबेकाका स्टार अलराउन्डर सिकन्दर राजालाई पनि तेस्रो सिजनका लागि अनुबन्ध गरिसकेको छ। यसअघि दुई सिजन खेलेका सोहेल तनविर यस पटक प्रशिक्षकको रूपमा रहेका छन्।
