भारतका प्रमुख स्पिनर वरुण चक्रवर्ती चोटका कारण जापानविरुद्धको एकमात्र टी–२० अन्तर्राष्ट्रिय खेल र एसियन गेम्स २०२६ दुबैमा खेल्न नपाउने भएका छन्। भारतीय क्रिकेट परिषद् (बीसीसीआई) ले वरुणको स्थानमा पहिलोपटक लेग स्पिन अलराउन्डर विप्राज निगमलाई राष्ट्रिय टोलीमा समावेश गरेको छ। एसियन गेम्समा भारत सोझै क्वाटरफाइनल प्रवेश गर्नेछ र यदि नेपालले दोस्रो स्थान हासिल गर्यो भने भारतसँग खेल्न सक्छ।
भारतले यसअघि जेठ महिनामा एसियन गेम्सका लागि टोली घोषणा गरिसकेको थियो। तर, अफगानिस्तानविरुद्ध दिल्लीमा भएको पहिलो टी–२० खेलमा साइड स्ट्रेन भएपछि वरुणलाई अन्तिम टोलीबाट बाहिर राखिएको हो। बीसीसीआईले विप्राज निगमलाई प्रथमपटक राष्ट्रिय टोलीमा स्थान दिएको छ।
नितिश कुमार रेड्डीलाई एसियन गेम्स टोलीबाट हटाएर वेस्ट इन्डिजविरुद्धको एकदिवसीय शृङ्खलामा राखिएको छ। २४ वर्षीय विप्राज निगमले आईपीएल २०२५ मा दिल्ली क्यापिटल्सबाट उत्कृष्ट प्रदर्शन गरेपछि चर्चा कमाएका थिए। उनले उक्त सिजन १४ खेलमा ११ विकेट लिएर साथै महत्वपूर्ण रनसमेत बनाए। यसै वर्ष श्रीलङ्कामा भएको भारत ‘ए’ को एकदिवसीय त्रिकोणात्मक शृङ्खलामा उनले सात विकेट र ११६ रनसहित प्रभावशाली प्रदर्शन गरी राष्ट्रिय टोलीमा अवसर पाएका हुन्।
वरुणको अनुपस्थितिमा भारतले अक्षर पटेल र रवि बिश्नोईलाई प्रमुख स्पिनरको रूपमा खेलाउने सम्भावना छ भने वाशिङ्टन सुन्दर र विप्राज निगम वैकल्पिक विकल्प हुनेछन्। एसियन गेम्समा भारतले सोझै क्वाटरफाइनल खेल्नेछ। समूह ‘ए’ मा रहेको नेपालले अफगानिस्तान र जापानसँग खेलेर दोस्रो स्थानमा रह्यो भने भारतसँग क्वाटरफाइनलमा भिड्न सक्छ।
एसियन गेम्सका लागि भारतीय टोली : श्रेयस अय्यर (कप्तान), तिलक वर्मा (उपकप्तान), रवि बिश्नोई, अभिषेक शर्मा, जसप्रीत बुमराह, अक्षर पटेल, हर्षित राना, इशान किशन, अर्शदीप सिंह, शिवम दुबे, वैभव सूर्यवंशी, विप्राज निगम
सम्बन्धित खबर
