१३ असोज, काठमाडौं । जापानमा जारी २०औं एसियन गेम्सअन्तर्गत पुरुष ५ हजार मिटर दौडमा नेपालका मुकेश पालले राष्ट्रिय कीर्तिमान कायम गर्दै नवौं स्थान हासिल गरेका छन्। नागोया सिटी मिजुहो पार्क एथलेटिक्स स्टेडियममा सम्पन्न फाइनलमा मुकेशले १४ मिनेट ०३.६१ सेकेण्डमा निर्धारित दूरी पूरा गरे। उनी विजेता बहराइनका बिरहानु बालिउभन्दा ३२.८२ सेकेण्डले पछि रहे। मुकेशले ५ हजार मिटरमा राष्ट्रिय कीर्तिमान बनाउनबाट करिब ३ सेकेण्डले पछि परेका छन्। यसअघि पुरुष ५ हजार मिटरको राष्ट्रिय कीर्तिमान राजेन्द्र भण्डारीको नाममा थियो। राजेन्द्रले सन् २००६ मा दक्षिण एसियाली खेलकुदमा १४ मिनेट ०१.१९ सेकेण्डको कीर्तिमान बनाएका थिए।
मुकेशले एसियन गेम्समा सहभागी हुनुअघि राष्ट्रिय कीर्तिमान तोड्ने लक्ष्य रहेको बताएका थिए। ‘यसपालि मैले रेकर्ड तोड्ने अठोट गरेको छु। ५००० मिटरमा पनि राष्ट्रिय कीर्तिमान तोड्ने उद्देश्य छ,’ मुकेशले भनेका थिए। बहराइनका बिरहानु बालिउले १३ मिनेट ३०.७९ सेकेण्डमा स्वर्ण पदक जिते भने जापानका तोमोनोरी यामागुचीले १३ मिनेट ३१.४३ सेकेण्डमा रजत र भारतका गुलवीर सिंहले १३ मिनेट ३२.७५ सेकेण्डमा कांस्य पदक हात पारे। यससँगै एथ्लेटिक्समा नेपालका खेलाडीहरूको चुनौती समाप्त भएको छ।
