Skip to main content
Advertisement1200×100-inside-1
Advertisement1200×100-blank-1
Advertisementxtreme adv

उत्तर कोरियालाई वार्तामा आउन राष्ट्रपति लीको आह्वान

Advertisement800×200-1

१५ असोज, सियोल (रासस/क्युएनए)। दक्षिण कोरियाका राष्ट्रपति ली जे म्युङले उत्तर कोरियासँगको विश्वास पुनःस्थापना गर्दै वार्ता अगाडि बढाउन आह्वान गरेका छन्। दक्षिण र उत्तर कोरियाबीचको असैन्यीकृत क्षेत्र (डिएमजेड) मा विस्फोट हुँदा दक्षिण कोरियाका सैनिकहरू घाइते भएका केही दिनपछि उनले यस्तो आह्वान गरेका हुन्।

दक्षिण कोरियाको सशस्त्र सेना दिवसको अवसरमा बिहीबार दिएको सम्बोधनमा राष्ट्रपति लिले लामो समयदेखि जारी अवरोध अन्त्य गर्दै उत्तर कोरियासँग विश्वास पुनःस्थापना र वार्ता पुनः सुरु गर्ने प्रक्रियामा सहभागी हुने आशा व्यक्त गरे। गत सेप्टेम्बर २१ मा डिएमजेडमा भएको विस्फोटको लागि दक्षिण कोरियाले बुधबार उत्तर कोरियालाई जिम्मेवार ठहराउँदै उक्त घटनाप्रति माफी मागेको थियो।

दक्षिण कोरियाली सेनाले यसलाई दुई कोरियाबीचको युद्धविराम सम्झौतामा ‘स्पष्ट उल्लङ्घन’ भनेको छ। विस्फोटमा तीन दक्षिण कोरियाली सैनिक गम्भीर घाइते भएका थिए। तर उत्तर कोरियाली नेता किम जोङ–उनकी बहिनी किम यो–जोङले विस्फोटमा आफ्नो देशको संलग्नता अस्वीकार गरेकी छन्। उनले दक्षिण कोरियाले गरेको घटनाबारे अनुसन्धानको निष्कर्षलाई गलत र तथ्यहीन भएको आरोप लगाइन्। द्विपक्षीय राजनीतिक र सैन्य तनाव लामो समयदेखि जारी रहने अवस्थामा दक्षिण कोरियाका राष्ट्रपतिको वार्ता र विश्वास पुनःस्थापनाको आह्वान आएको छ।


Advertisementadv-800×200.png

सम्बन्धित खबर