१६ असोज, मस्को (रासस/एएनआई)। रुसी राष्ट्रपति भ्लादिमिर पुटिनले भारतसँग आर्थिक सहकार्य विस्तार गर्ने ठूलो सम्भावना रहेको बताएका छन्। उनले प्रमुख अन्तर्राष्ट्रिय पारवहन तथा ढुवानी मार्गको विकासमा नयाँदिल्लीसँग साझेदारी गर्न रुसी पक्ष इच्छुक रहेको स्पष्ट पारे। विश्वव्यापी यातायात मार्गको विकाससम्बन्धी कार्यक्रममा बिहीबार बोल्दै उनले भारतसँगको सहकार्य केवल रसद व्यवस्थापनमा सीमित नरहेको पनि बताए।
पुटिनले चीन र दक्षिण कोरियाका व्यावसायिक जहाजहरूसँग सहकार्य अघि बढाइसकेको जानकारी दिँदै यस्ता अन्तर्राष्ट्रिय करिडोरहरू संयुक्त रूपमा प्रयोग गर्न भारतसँग पनि छलफल भइरहेको बताए। उनले अन्तर्राष्ट्रिय उत्तर–दक्षिण यातायात करिडोर (आइएनएसटीसी) को विकासमा रुस ऋण स्रोत उपलब्ध गराउन तयार रहेको तर इरानले आफ्नो तर्फको काम पूरा गर्नुपर्ने कुरा उल्लेख गरे।
पुटिनले युक्रेन द्वन्द्व अन्त्यका लागि भारतीय प्रधानमन्त्री नरेन्द्र मोदीले गरिरहेका प्रयासको प्रशंसा गर्दै द्वन्द्व सकेसम्म चाँडो अन्त्य गर्ने भारतीय प्रधानमन्त्रीको इच्छाका लागि हामी आभारी रहेको बताए। यसअघि अगस्टको सुरुमा रुसी उपप्रधानमन्त्री मारात खुसनुलिनले हिन्द महासागरमा प्रत्यक्ष रेलमार्ग निर्माणको सम्भाव्यता अध्ययन गर्नुपर्ने बताएका थिए।
उक्त जलघाँटीबाट विश्वव्यापी तेल व्यापारको करिब २५ प्रतिशत तथा एलएनजी ढुवानीको करिब २० प्रतिशत हिस्सा हुने भएकाले यसको पारवहन व्यवस्था अन्तर्राष्ट्रिय व्यापारका लागि अत्यन्त महत्त्वपूर्ण मानिन्छ।
