रूसी उपविदेशमन्त्री एन्द्रेई रुदेन्कोले रूसी तेलमा ‘प्राइस सिलिङ’ लागू गर्ने देशहरूलाई रुसले कुनै पनि हालतमा तेल आपूर्ति नगर्ने स्पष्ट पारेका छन्। रुदेन्कोले जापानको मूल्य सीमालाई ‘बजार विरोधी र आपूर्ति शृङ्खला ध्वस्त पार्ने उत्तेजक कदम’ ठहराएका छन्। उनले भने, ‘अहिले ऊर्जा बजार निकै अस्थिर छ, अभाव र मूल्य वृद्धिदैछ, यस्तो अवस्थामा रुसले आफ्नो राष्ट्रिय आर्थिक हितको रक्षाका लागि यस्ता उक्साहटपूर्ण कदम लिनेहरूलाई तेल बेच्ने छैन।’
उपविदेशमन्त्री रुदेन्कोका अनुसार जापान र अन्य पश्चिमी देशहरूले लगाएको यो प्रतिबन्धले विश्वव्यापी ऊर्जा सुरक्षामा थप चुनौती थपेको छ। यदि कुनै देशले तेल आपूर्तिका लागि आधिकारिक रूपमा अपील गरेमा, रुसले ती देशहरूसँगको सम्बन्ध र आफ्नो आर्थिक स्वार्थलाई ध्यानमा राखेर मात्र निर्णय गर्ने बताइएको छ। हाल पश्चिम एसियाको युद्ध र हर्मुज जलसन्धि बन्द भएका कारण विश्वभर इन्धनको मूल्य प्रति लिटर २ युरो नाघ्ने खतरा बढिरहेको बेला रुसको यो चेतावनीले विश्व अर्थतन्त्रमा थप हलचल पैदा गरेको छ।
