१८ चैत, काठमाडौं । नेकपा एमालेका महासचिव शंकर पोखरेलको राजीनामा माग्दै अनेरास्ववियुका विद्यार्थीहरूले आज सडकमा प्रर्दशन गरेका छन्। अशोक क्याम्पसबाट निस्किएका विद्यार्थीहरूले पोखरेलको राजीनामा माग्दै प्रर्दशन गरेका थिए। प्रर्दशनको क्रममा सुहाङ नेम्वाङको पक्षबर्चस नारा पनि लगाइएको थियो। नेम्वाङ एमाले संसदीय दलका नेता बन्न इच्छुक थिए।
यता, महासचिव पोखरेलले रामबहादुर थापालाई निर्विरोध निर्वाचित गराउन सांसदहरूलाई दबाब दिएको विषयलाई लिएर युवाहरूले सामाजिक सञ्जालमा आलोचना गर्दै आएका छन्। सामाजिक सञ्जालमा राजीनामा अभियान चलाइरहेका युवाहरूले बुधबार राति सडकमा प्रर्दशन गरे। प्रर्दशनकारीहरूले पार्टीभित्र युवाहरूलाई अवसर दिनुपर्ने, पार्टी कब्जा गर्न नपाइने, महासचिव पदबाट पोखरेलले राजीनामा दिनुपर्ने लगायतका नारा लगाएका थिए। प्रर्दशनमा सहभागी युवाहरूले पार्टी केन्द्रीय कार्यालय अगाडि महासचिव पोखरेलको पुत्ला दहन पनि गरेका छन्।
