बीबीसी वर्ल्ड क्वेस्टन कार्यक्रम ७ अप्रिल काठमाडौंको मण्डला थिएटरमा रेकर्ड गरिनेछ र ११ अप्रिलदेखि विश्वभर प्रसारण गरिनेछ। कार्यक्रममा नेपाल सरकारका परराष्ट्र मन्त्री शिशिर खनाल, जेनजी फ्रन्टकी रक्षा बम, नेपाली कांग्रेसका डा. प्रकाशरण महत र कानुनी विज्ञ डा. मन्दिरा शर्मालाई प्यानलिस्टका रूपमा समावेश गरिएको छ। सो कार्यक्रममा दर्शकका प्रश्नलाई प्राथमिकता दिइने छ र नेपालमा भएका युवा आन्दोलनलाई विश्वका अन्य देशहरूसँग तुलना गर्दै नेपालको शान्तिपूर्ण संवैधानिक प्रक्रिया विशेष भएको उल्लेख गरिएको छ। वर्तमानमा नेपालको राजनीति ऐतिहासिक मोडमा उभिएको छ। गत भदौमा भएको जेनजी आन्दोलन र हालै सम्पन्न निर्वाचनपछि विश्वले नेपालको ध्यान केन्द्रित गर्न थालेको छ। यसै सन्दर्भमा बीबीसीको चर्चित कार्यक्रम ‘बीबीसी वर्ल्ड क्वेस्टन’ यस पटक काठमाडौंमा आयोजना हुँदैछ।
विश्वका ६० भन्दा बढी देशमा प्रसारण भइसकेको यो कार्यक्रम आउँदो ७ अप्रिल, मंगलबार काठमाडौंको मण्डला थिएटरमा रेकर्ड गरिनेछ। त्यसपछि ११ अप्रिलदेखि बीबीसी वर्ल्ड सर्भिस रेडियो, युट्युब र पडकास्टमार्फत विश्वभर प्रशारण गरिनेछ। यस कार्यक्रममा विशेष रूपले दर्शकका प्रश्नहरूले नै कार्यक्रमको दिशा निर्धारण गर्ने हुन्छन्, न कि प्यानलिस्टले। दर्शकहरू स्वागत कार्यक्रममा उपस्थित भएर प्रश्नहरू छनोट गर्ने प्रक्रिया सञ्चालन हुनेछ, जुन प्रस्तोता जोनी डाइमन्ड र मले मिलेर गर्छौं।
यसपटक चार जना प्यानलिस्टहरू हुनेछन्। पहिलो प्यानलिस्ट शिशिर खनाल, नेपाल सरकारका परराष्ट्र मन्त्री। दोस्रो हुन् रक्षा बम, नेपाल जेनजी फ्रन्टकी नेतृत्वकर्ता। तेस्रो प्यानलिस्ट डा. प्रकाशरण महत, नेपाली कांग्रेसका नेता र पूर्वअर्थमन्त्री। चौथो हुन् डा. मन्दिरा शर्मा। प्यानल चयन गर्दा फरक दृष्टिकोण, विशेषज्ञता, उमेर र लैङ्गिक सन्तुलनलाई विचार गरिएको छ। यसपटक दुई महिला र दुई पुरुष प्यानलिस्ट रहेका छन्।
नेपालको जेनजी आन्दोलन अन्य देशका आन्दोलनहरूसँग कसरी फरक छ भन्ने प्रश्नमा, नेपाल पहिलो देश हो जहाँ यस्ता आन्दोलनपछि संवैधानिक प्रक्रियाबाट चुनाव सम्पन्न भएको छ। यसले नेपाललाई विश्वभरका मानिसहरूको लागि उदाहरण र उत्सुकताको विषय बनाएको छ। बीबीसी वर्ल्ड क्वेस्टनको सुरुवात बेलायतको ‘एनी क्वेस्टन’ कार्यक्रमबाट भएको हो। यो कार्यक्रमले विश्वभरका मानिसहरूलाई संवाद गर्ने अवसर प्रदान गर्दछ।
