त्रिभुवन विमानस्थलमा एईडी उपकरण जडान, हृदयघातका अवस्थामा तुरुन्त प्रयोग गर्न सकिने

त्रिभुवन विमानस्थलमा पहिलो पटक सार्वजनिक स्थानमा अटोमेटेड एक्स्टर्नल डिफिब्रिलेटर (एईडी) उपकरण जडान गरिएको छ। वडा नं. ९ का वडाध्यक्ष रामजी भण्डारीले एईडी आकस्मिक हृदयघातको अवस्थामा जीवनरक्षक उपकरण भएको बताए। काठमाडौं महानगरपालिकाले हेल्थ एडभान्समेन्ट प्रोग्राम इन साउथ एसिया नेपाल र त्रिभुवन विमानस्थललाई धन्यवाद व्यक्त गरेको छ।

२४ चैत, काठमाडौं। त्रिभुवन विमानस्थलमा अटोमेटेड एक्स्टर्नल डिफिब्रिलेटर (एईडी) उपकरण जडान गरिएको छ। काठमाडौं महानगरपालिकाका अनुसार, वडा नं. ९ मा पर्ने विमानस्थलमा सार्वजनिक स्थानमै पहिलो पटक यस्तो उपकरण राखिएको हो। वडाध्यक्ष रामजी भण्डारीका अनुसार, एईडी आकस्मिक हृदयघात वा मुटुको धड्कन अचानक बन्द हुने अवस्थामा तुरुन्त प्रयोग गरी बिरामीको ज्यान बचाउन सहयोग गर्ने जीवनरक्षक उपकरण हो। यस्ता उपकरण सार्वजनिक स्थानमा उपलब्ध हुनु आपत्कालीन स्वास्थ्य सुरक्षामा ठूलो प्रगति भएको उनले बताए। महानगरपालिकाले यस कार्यको समन्वय र कार्यान्वयनका लागि हेल्थ एडभान्समेन्ट प्रोग्राम इन साउथ एसिया नेपाल र त्रिभुवन विमानस्थललाई धन्यवाद दिएको छ।